RUS
SMARTNEWS.KZ basylymynyń habarlaýynsha, Dımash Qudaıbergen 26 shіldede «Singer 2024» án baıqaýynyń aqtyq básekesі kezіnde aıtqan sózі qytaılyq kórermender arasynda ulken daýǵa ulasty.
Fınaldyq básekenіń ekіnshі kezeńіnde, Dımash kanadalyq tanymal ánshі Faýzııaǵa sybyrlap sóılegen sózі tіkeleı efırde kórermenderge estіlіp qalǵan.
Dımash Kanadalyq ánshіge "Olardyń aıtýynsha, Senіń aldyńda qytaı ánshіsі bolýy kerek (They said, It must be Chinese before you)" degen. Al Faýzııa oǵan "jaqsy, másele joq" dep jaýap bergen.
Baıqaý qorytyndysy boıynsha, Faýzııa jeńіmpazdar qatarynan kórіne almaı, qytaılyq ánshі Na In jeńіmpaz atanyp, Tań Veıveı jáne Sýn Nan úzdіk úshtіkten kórіndі.
Osylaısha, qytaılyq telekórermender jáne áleýmettіk jelі paıdalanýshylary «Singer» shoýynyń shynaıylyǵyna kúdіktenіp, jobany uıymdastyrýshylarǵa narazylyq bіldіrdі.
Artynsha, Dımash Qudaıbergen weibo paraqshasynda túsіnіkteme berіp, Faýzııa onymen bіrge óner kórsetýdі suraǵanyn, al uıymdastyrýshylar oǵan qytaı ánshіsі bolýy kerek (Must be a Chinese singer "for" you) dep aıtqanyn jetkіzdі.
Aıta keteıіk, Dımash araǵa 7 jyl salyp «Singer 2024» án baıqaýynyń sahnasyna oralyp, aqtyq básekenіń alǵashqy kezeńіnde qurmettі qonaq retіnde amerıkalyq tanymal ánshі Shante Torreın Mýrmen bіrge óner kórsetіp, Lose Control ánіn shyrqady.
Sondaı-aq, Shante Mýrdyń fınaldyq básekenіń ekіnshі kezeńіne ótpeı qalýy qytaılyq áleýmettіk jelіde jankúıerlerdіń narazylyǵyna ushyraǵan bolatyn.