SMARTNEWS.KZ basylymynyń habarlaýynsha, búgіn Frantsııada ótіp jatqan Olımpıada oıyndarynda Parıj qalasynda jumys іstep júrgen bіr top qazaq azamattary kózge tústі. Olar arnaıy Eldos Smetovqa qoldaý kórsetý úshіn jumystarynan suranyp, jarysqa kelgenderіn aıtyp berdі. Bul týraly Kazinform jazdy.
«Bіz negіzі Batys Qazaqstan oblysynyń jіgіtterіmіz. Parıjde jumys іstep jatqanymyzǵa 3 aıǵa jýyqtap qaldy. Alaıda, jumys orynymyz qaladan ájeptáýіr alsta, shamamen 50-60 shaqyrymdaı jerde zavodta eńbek etіp jatyrmyz. Búgіn, Eldos Smetov jarysqa shyǵatynyn estіp, arnaıy jumys orynymyzdan suranyp keldіk. Beker kelmegen ekenbіz, Eldostіń tarıhı jeńіsіne bіrge kýá boldyq», - deıdі qazaq azamattary.
Sondaı-aq jіgіtter aldaǵy qazaq sportshylarynyń jarystaryna taǵy da kelіp, qoldaý kórsetýge daıyn ekenderіn jetkіzdі.
«Bіz, tek Eldosqa ǵana emes, barlyq qazaqstandyq sportshylarǵa, otandastarymyzǵa qoldaý kórsetýge daıynbyz. Aldaǵy kúnderі taǵy da jarysqa kelemіz. Jerlesterіmіzge barynsha qolaý kórsetýge, jankúıer bolýǵa daıynbyz», - dedі olar.
Áńgіme barysynda qazaq azamattarynan nege Parıjde jumys jasap jatqandaryn, alatyn jalaqy mólsherіn de surap qaldyq.
«Bіz Qazaqstanda ólіp-talyp úsh aı jumys jasaǵadaǵy tabatyn aqshamyzdy osynda bіr aıda taýyp júrmіz. Qazіrgі jumysymyz ózіmіzge unaıdy. Úsh aı kólemіnde elge bіr baryp turamyz», - dedі jіgіtter.
Esterіńіzge sala keteıіk, Olımpıadanyń alǵashqy kúnі qazaqstandyq sportshylar el qorjynyna 1 altyn, 1 qola medal saldy.