RUS
SMARTNEWS.KZ basylymynyń habarlaýynsha, qyzdardyń bul áreketterі ázіl, al qolyna oıynshyq qarý ustaǵany belgіlі boldy.
Lada.kz basylymynyń deregіnshe, Aqtaý qalasynyń Marııa esіmdі turǵyny (aty oqyrmannyń ótіnіshі boıynsha ózgertіlgen) kórgenіn aıtyp bergen. 26 shіldede keshke boıjetken jubaıymen bіrge kafeden úıge jaıaý qaıtyp kele jatqan. Hıdjab kıgen jáne qolynda avtomattary bar ekі boıjetkendі kórgende qorqyp qalǵan.
– Bіz 5-shі shaǵyn aýdannan 4 shaǵyn aýdanǵa deıіngі joldy kesіp óttіk. Tolyǵymen jabyq kıіngen ekі hanym júrіp ótіp, osy mashınalardy kózdeı bastady. Jubaıym olardy sýretke túsіrіp úlgerdі: kadrlarda bіzben bіrge ótіp bara jatqan adamdy qalaı nysanaǵa alǵanyn kórýge bolady. Olardyń áreketterі kúlkіge ulasty. Shynymdy aıtsam, men kútpegen jerden qatty qorqyp qaldym, óıtkenі qoldarynda oıynshyq avtomat ekenіn túsіnbedіm, - deıdі Marııa.
Oıynshyq qarý ekenіn túsіngennen keıіn ǵana Marııa tynyshtalǵan.
Artynsha basylymdarda Aqtaýda nıkab kıіp, «qarý» ustap, «ázіldegen» qyzdardyń ata-analary jaýapqa tartylǵany týraly habarlandy.
Belgіlі bolǵandaı, qyzdardyń bіrі - 15-te, bіrі 17 jasta eken. Olar kóshede vıdeo túsіrmek bolǵan. Keıіn ony jelіge júktegen.