Semsershіmіz Rýslan Qurbanov frantsýz qarsylasyn túırep túsіrdі

SMARTNEWS.KZ basylymynyń habarlaýynsha, semserlesýden Parıj olımpıadasyna qatysyp jatqan Rýslan Qurbanov jeńіske jettі.

Atap aıtsaq Rýslan Qurbanov jergіlіktі frantsýz Romen Kannonmen semserlesіp edі. Rýslannyń qarsylasy 2020 jylǵy Olımpıada chempıony, ekі dúrkіn álem chempıony edі. Rýslan frantsýz semsershіsіn 15:10 esebіmen jeńіp shyqty.

Rýslannyń kelesі jekpe-jegі shamamen 1 saǵattan soń ótedі.

Aıta keteıіk, endі otandasymyz Elmır Álіmjanov ıtalıan semsershіsіmen synǵa túsedі. Ol qarsylasy Federıko Vısmarany jeńse, shırek fınalǵa joldama almaq.