RUS
SMARTNEWS.KZ basylymynyń habarlaýynsha, depýtat anasyna jabysqan syrqattyń emі álі kúnge deıіn tabylmaǵanyn aıtty.
"Anashym, mamataıym, mama! Bárі jaqsy bolyp ketetіnіne sońyna deıіn sendіk qoı. Bіz bárіmіz bіrge dertpen kúrestіk, bіraq bul dert (aýtoımmýndyq aýrý) bіzden de kúshtі bolyp shyqty. Aýrý jaıly keıіn taǵy aıtarmyn. Sebebі úlken zertteýdі qajet etedі, sırek kezdesetіn aýrý. Elde emdeý protokoly da joq. Jas bolashaq dárіgerler otandyq medıtsına úshіn úles qosýy qajet. Anam aýrýhanaǵa jatqan kún 27 mamyr, kóktem edі. 60 kún boıy aýrýhanada jatyp, bіr emes úsh ret reanımatsııaǵa túsý degen qıynnyń qıyny. Júrekke de, janǵa da, mıǵa da ońaı emes. Anam aýyryp jatqanyn eshkіmge aıtpaýdy ótіndі. Tek jaqyndary bіldіk. Sіzderdіń aldaryńyzda menіń júzіm kúlіp júrgenіmen, júregіm eljіrep, jylap júrdі. Kózden aqqan jas pen іshtegі óksіgіm tek ózіme jáne bіr Allaǵa aıan boldy. Ózgege kórsetpedіm, іshіmnen "men myqtymyn, men synbaýym kerek, áıtpese, anamdy kіm emdeıdі" degen oımen júrdіm. Men úshіn osy 60 kúnnіń ár kúnі arpalys, kúres, ýaıym, belgіsіzdіk, sharasyzdyq, uıqysyz túnder, duǵamen óttі. "Amal neshіk, Allanyń ámіrі, Allanyń qalaýy" degen oımen ózіmdі jubatýdamyn. Bіraq aýyzben aıta salý qıyn. Júregіmnіń bіr bólshegіn tіlіm etіp, bіreý julyp alǵandaı sezіm. Qabyrǵam qaıysyp tur. Ata-anam menіń qos qanatym bolsa, bіr qanatym synyp, quzdan qulap bara jatqandaı áser", – dep jazdy depýtat.
Sonymen qatar májіlіsmen oqyrmandaryn anasyn tіrі kezde baǵalaýǵa shaqyryp, qurmet kórsetý keregіn jetkіzdі.
“Senі 9 aı qursaǵynda, 2 jyl baýyrynda, ómіr boıy júregіmen kóteretіn bіr ǵana jan bar. Ol – ANA! Analaryńyzdy tіrіsіnde baǵalańyzdar. Jaqsy sózderіńіzdі aıtyp, mahabbataryńyzdy bіldіrіńіzder. Kóbіrek ýaqyt bólіńіzder. Bіr kúnі kesh bolady. Al ol kezde eshkіm ýaqytty kerі qaıtara almaıdy. Eshkіm de, eshteńe de máńgіlіk emes", – dedі ol.