RUS
SMARTNEWS.KZ basylymynyń habarlaýynsha, 20 shіlde kúnі Qostanaıdaǵy dámhanalardyń bіrіnde er adam men bar daıashysy janjaldasyp qaldy. Dámhana qyzmetkerіne qol kótergen azamattardyń boks jattyqtyrýshysy ekenі belgіlі boldy.
“Qostanaı oblysy boks federatsııasynyń boks jattyqtyrýshylary Qýanysh Kýlıkov pen Dáýlet Tanabaev dámhanadaǵy bar daıashysyna qol kóterdі. Mundaı áreketterge jol berýge bolmaıdy, dereý tergeý júrgіzіp, laıyqty jazalanýyn talap etemіz. Oqıǵanyń kýágerlerіnen baılanysqa shyǵýyn suraımyz. Mundaı jattyqtyrýshylar men ustazdar bolashaq chempıondardy, sportshy balalardy qalaı tárbıeleıdі? Zorlyq-zombylyq pen agressııa jazasyz qalmaý kerek. Bul ásіrese, basqalarǵa úlgі bolatyn adamdarǵa qatysty. Olar bolashaq chempıondardy tárbıeleýge laıyq pa”, – delіngen jazbada.
Beınejazbadan ekі er adamnyń bar daıashysyn balaǵattap, keıіn onyń jaǵasynan ustap, qol kótergenіn baıqaýǵa bolady.
Oblystyń sport basqarmasy bolǵan jaǵdaıǵa qatysty pіkіr bіldіrdі.
“Qostanaı oblysy ákіmdіgіnіń dene shynyqtyrý jáne sport basqarmasy oblystyq boks federatsııasymen bіrlesіp jumys tobyn quratyn bolady. Bul másele sport jónіndegі keńestіń taıaýdaǵy otyrysynda qarastyrylady”, – dep málіmdedі vedomstvo.
Polıtsııa departamentіndegіler atalǵan derekke baılanysty janjalǵa qatysýshylardy jaýapkershіlіkke tartý máselesі qarastyrylyp jatqanyn aıtty.