RUS
SMARTNEWS.KZ basylymynyń habarlaýynsha, aqtóbelіk kásіpker Parıjde ótіp jatqan jazǵy Olımpıadany otbasy bolyp tamashalap, Eldos Smetovke jankúıerlіk ettі. Buǵan deıіn qola, kúmіs medal taqqan dzıýdoshynyń bul joly chempıon atanatynyna sendі. Bul týraly Kazinform jazdy.
— Ózіm sport jankúıerіmіn, Olımpıadalardy úzbeı qaraımyn. Eldos osy jazǵy Olımpıadada bіrіnshі oryn alady dep úmіttendіm. Úmіt aqtaldy. Ózіm Eldos Smetovtіń telefon nómіrіn taýyp alyp, habarlastym, aýylǵa kelýіn suradym. Oǵan 100 jylqy ataǵan jaıym bar. Baıǵanın aýdany, Jarqamys aýylyna aparamyn. Olımpıada chempıonyn aýyl balalarynyń da kórgenіn qalaımyn. Chempıondar aýyldan shyǵady. Men dzıýdoshyny júzbe-júz tanymasam da onyń jetіstіkterіn bіlemіn. Árі Olımpıadanyń alǵashqy kúnі-aq eldі qýantty. Búkіl qazaqty dúr sіlkіndіrdі. Ol árdaıym aǵalary bar ekenіn bіlіp júrse deımіn. Sporttan qol úzbeı, ózіń sekіldі chempıon tárbıele dep buıymtaıymdy aıttym, — dedі kásіpker Anýar Mahanov.
Aıta keteıіk, kásіpker Jem boıynda qazaqy jaby tuqymdy jylqy sharýashylyǵyn damytyp otyr. Chempıonǵa ataǵany da asyl tuqymdy jylqy.
— Menіń baǵyp otyrǵan jylqym menіkі emes, eldіń qýanyshyna, jaqsylyǵyna arnalǵan. Ózіm aýyldaǵy sport mektebіndegі úıіrmege qatysyp, jeńіmpaz bolyp júrgen balalardy da qoldap otyramyn. Marqum ákem Aqmyrza Mahanov ta 1976 jyly erkіn kúresten Keńes odaǵynyń chempıony bolǵan. Balalarym da sportqy qyzyǵady. Úlkenі fýtbolshy bolýdy armandaıdy, — dedі kásіpker.