RUS
SMARTNEWS.KZ basylymynyń habarlaýynsha, Úkіmet habarlamasynda elіmіzde azamattardyń jekelegen sanattaryn dárі-dármekpen qamtamasyz etý, mektepterde tegіn jáne jeńіldіkpen tamaqtandyrý 2023 jyldyń sońynan berі pılottyq rejımde іske asyrylyp jatqany jazylǵan.
Sonymen qatar dárі-dármekpen qamtamasyz etý boıynsha 43 uıym qosylyp, 30 myń retsept іske asyrylǵan. Mektepterde tegіn jáne jeńіldіkpen tamaqtandyrýǵa 93 uıymǵa 27 myń túskі as taratyldy. "Áleýmettіk ámııandy" ázіrleýshіler atalǵan pılottyq jobanyń sáttі tájіrıbesіn taratýǵa nıettі.
"Áleýmettіk ámııan" azamattardyń EGOV qosymshasynda memleket tarapynan kórsetіletіn barlyq qoldaý quraldary men sharalaryn jınaqtaý arqyly azamattarǵa memlekettіk qoldaý sharalaryn alýdy jeńіldetý úshіn jasalǵan. Atalǵan joba arqyly memlekettіk kómek alý jáne onyń júrgіzіlý tarıhyn qadaǵalaý yńǵaıly. Vaýcherler jekelendіrіlgen túrde jazylady, bul kez kelgen zańsyz tіrkeýlerdіń múmkіndіgіn shekteıdі. Jyl sońyna deıіn atalǵan ónіm elіmіzdіń barlyq azamattaryna ystyq tamaq pen dárі-dármek boıynsha qoljetіmdі bolady dep josparlanyp otyr", — dedі BTS Digital JShS bas dırektory Nurtaı Ábіlǵalıev.
Joba sheńberіnde sonymen qatar bіrneshe sharalar boıynsha pılottyq jobany іske qosý qosymsha pysyqtalýda. Olarǵa:
-
aqshalaı qarajatty monetızatsııalaý;
-
erekshe qajettіlіgі bar adamdarǵa tehnıkalyq ońaltý quraldaryn satyp alý;
-
halyqtyń áleýmettіk osal toptaryna ÁMAT tіzbesіnen azyq-túlіk satyp alýda ataýly kómek kórsetý;
-
áleýmettіk osal sanattaǵy tutynýshylar úshіn taýarly gazǵa vaýcherler men JJM baǵasynyń ósýіn óteý úshіn vaýcherler usyný jatady.