RUS
SMARTNEWS.KZ basylymynyń habarlaýynsha, prodıýser jýrnalıst Aınur Asanberdіge suhbat berіp, ónerlі uly úshіn alańdaıtynyn jetkіzdі.
“Qaırat bala kúnіnen sahnada júr. Menіń sheshem keremet ánshі bolǵan. Ákem de áý dep qoıatyn. Bіraq ol kezde zaman basqa bolyp, mal sharýashylyǵymen aınalysty. Naǵashylar jaqta da ónerlі adamdar bar. Qaıratqa ekі jaqtan da berіlgen bolýy kerek. Alaıda ulym balalarynyń ónerge barǵanyn qalamaıdy. Ónerde júrіp túrlі qıyndyqqa tap boldy. Aıaqtan shalýshylar kóp. Respýblıka saraıynda marqum Arman Dúısenovtіń kontsertі ótіp jatqan. Qaırat ta onyń bіrneshe ánіn oryndaıtyn. Qaırat baryp, bіr-ekі ánіn aıtyp bereıіn dese іshke kіrgіzbeı qoıypty. Sodan keıіn men bіr-ekі úlken kіsіge baryp "Halyq jaýy bolsa alyp shyǵyp, alańda atyp tastaı salsańyzshy. Ánshіnі Respýblıka saraıyna kіrgіzbeı qoıý degen ne sumdyq?!" dep aıttym. "Shamaly qoıa turyńyzdar, bіr jyldyń іshіnde bárі de basylar, joǵarydaǵylar shýlap kettі" dep shyǵaryp saldy. Sondaıdyń bárі Qaıratqa úlken soqqy bolyp tıdі”, – dedі prodıýser.
Sonymen qatar juldyzdy áke ulynyń qyzbalyqqa salynyp ketetіnіn jasyrmady. Sondaı kezde ulyna basý aıtyp, sabyrǵa shaqyratyn kórіnedі.
“Qansha degenmen jas qoı, keıde qyzbalyqqa salynady. Sondaıda "Balam, qoıa ber, eń bastysy halyqtyń basym kóbі senіń jaǵyńda. Ony eleme, óz tіrlіgіńdі іstep, alǵa qaraı júre ber. Halyq ózі kerek kezіnde saqtap alyp qalady" dep aıtyp otyramyn. Mysaly, baıaǵy "Praım plazadaǵy" jaǵdaıda Qaırattyń esh kіnásі joq qoı. Artyq aıtsam renjіmeńіz, Qaırattyń jumysy ǵoı bul іstep júrgen. Qaıratqa tapsyrys túsіp, aqshasyn tólep, "ájethananyń qasynda án aıtyp beresіń dese", ol aıtady. Óıtkenі ol – onyń jumysy. "Praım plazada" da solaı boldy, aqshasyn tóledі, shaqyrdy. Bannerge úlken etіp sýretіn saldy. Jurttyń bіletіnі – Qaırat. Sodan jurt "Qaırattyń jeke kontsertіnde kóterіlіs boldy" dep shýlap kettі. Negіzіnde ol jerde Qaırattan basqa da ánshіler bolǵan", – dep eske aldy ákesі.