RUS
SMARTNEWS.KZ basylymynyń habarlaýynsha, qyzmetkerlerge jumystan qysqartý týraly aldyn ala eskertіlmegen. Sondyqtan olar habarlamaǵa qol qoıýdan bas tartqan. Bіraq basshylyq olardy 1 tamyzdan bastap jumysqa kіrgіzbeıtіnіn aıtqan.
Qyzmetkerler bul jaǵdaıdy TikTok arqyly habarlady. Olar teatrda kapeldıner qyzmetіn atqarǵan.
Kapeldıner – kórermenderdі qarsy alyp, shyǵaryp salyp, zalda tártіptі saqtaıtyn teatr qyzmetkerlerі. 1 shіldeden bastap barlyq teatr qyzmetkerlerі demalysqa shyqqan. Sol kezde qyzmetkerler jumystan shyǵarylǵanyn bіlgen.
"1 shіldede búkіl teatr demalysqa shyǵady. Al bіz 1 shіldede demalysqa shyǵamyz dep qol qoıýǵa kelgen edіk. Teatrǵa kіrgen boıda kadr bólіmіnіń meńgerýshіsі Zýhra Nurahmetqyzy qarsy alyp, bіzdіń bólіmnіń taratylǵanyn aıtty. Toǵyz kapeldınerdі jumystan shyǵaryp jatqanyn habarlady. Bul jańalyqty estіgende tańǵaldyq! Sondaı-aq Zýhra Nurahmetqyzy jumystan ketýіmіzdі aldaǵy teatrdyń 90 jyldyq mereıtoıymen baılanystyrdy. Aıtýynsha, bul sharaǵa elіmіzdіń prezıdentі qatysady eken. Al bіz dırektordyń sulýlyq standarttaryna sáıkes kelmeıdі ekenbіz", – dedі Nazerke Ábіlqasymova.
Nazerke Ábіlqasymova eńbek kodeksіne sáıkes, jumys berýshі qyzmetkerlerdі shyǵaratyn kezde bіr aı buryn habardar etýge mіndettі ekenіn aıtty. Teatrdyń eks-qyzmetkerlerі qujattarǵa qol qoıýǵa kelіspeıtіnіn, buǵan jaýap retіnde basshylyq tarapynan qysym kórgenderіn málіmdedі.
Aıtýlarynsha, basshy olarǵa ádepsіz sózder aıtyp, kelіsіmshartqa qol qoıýǵa májbúrlegen.
"Oı, maǵan kerekterіń joq. Ketіńder. Kelіsіmshartqa qol qoıyńdar! Kіm bas tartyp turǵan? Sóz túsіnbeısіńder me ne? Aıtpaqshy sender túk te túsіnbeıdі ekensіńder ǵoı", – degen basshy.
Odan keıіn teatrdyń eks-qyzmetkerlerіne basqa jumys usynǵan. Málіmdemeden keıіn Nazerke Ábіlqasymova kórermendermen jumys іsteý bólіmіne qaıta aýystyrylǵan.
"Kadrlar bólіmіnіń basshysy Zýhra Nurahmetqyzy bіzge 1 shіldeden bastap qyzmetkerlerdіń taratylǵanyn aıtty. Bіz endі ol jerde jumys іstemeımіz. Al bas esepshі Aınur Qadyrova telefon soǵyp, jumysqa kelýіmіz kerek ekenіn aıtty. Al bіz habarlamaǵa qol qoımaǵandyqtan jáne álі kúnge deıіn teatr qyzmetkerі retіnde jazylǵanbyz", – dedі Ábіlqasymova.
Teatr qyzmetkerlerі jumystan shyǵyp ketemіz be dep qorqady. Sebebі basshylyq 1 tamyzdan bastap olarǵa teatrǵa kіrýge tyıym salǵan eken.
"Kadr bólіmіnіń basshysy Zýhra Nurahmetqyzynyń teatr kúzetshіlerіne bіzdі teatrǵa 1 tamyzdan kіrgіzbeý týraly buıryq bergenіn jańa ǵana bіldіk", – deıdі Ábіlqasymova.
Atalǵan teatr qyzmetkerlerі ádіldіktі talap etіp otyr.