«Reseıіńe ket»: Qostanaıda taksı júrgіzýshіsіn balaǵattap, ultaralyq arazdyqty qozdyrǵan áıelge úkіm shyqty
Taksı júrgіzýshіsіne tіl tıgіzіp, ultaralyq arazdyqty qozdyrdy dep aıyptalǵan Qundyzaı Kenjetaevaǵa sot úkіmі shyqty. Bul týraly Stan.kz jazdy.
SMARTNEWS.KZ basylymynyń habarlaýynsha, 6 aqpanda erlі-zaıypty qonaqtan úıіne qaıtý úshіn taksı shaqyrady.
Mas jolaýshylar men taksı júrgіzýshіnіń arasynda daý týyp, arty qaqtyǵysqa ulasqan. Júrgіzýshі ózіne bylapyt sózderdі jaýdyrǵan erlі-zaıyptyny vıdeoǵa túsіrіp alǵan. Beınejazba áleýmettіk jelіde tarap kettі.
42 jastaǵy Qundyzaı Kenjetaeva taksıst Dmıtrıı Galkınge aıtqan “Sen oryssyń, ózіńnіń Reseıіńe ket, orys, m*l, o*****n. Erkek emessіń, jolda ólesіń” degen sózderі úshіn sottaldy.
Polıtsııa bolǵan jaǵdaıǵa qatysty qylmystyq іs qozǵady. Kúnі keshe sot aıyptalýshyǵa qatysty úkіm shyǵardy.
“Qundyzaı Kenjetaeva qylmystyq kodekstіń 174-baby 1-bólіgіne (Ultaralyq arazdyqty qozdyrý) sáıkes kіnálі dep tanylyp, 3 jylǵa bas bostandyǵynan aıyryldy”, – dep jazdy Mıhaıl Kozachkov ózіnіń Telegram arnasynda.
Sottalýshynyń kіshkentaı balalarynyń bolýyna baılanysty ol jazasyn 4 jyldan keıіn óteıdі.
Material avtory
