«Medıamagnat» Armanjan Baıtasovtyń joǵary laýazymdy sheneýnіkterdіń qylmystyq іsіne qatysy bar bolyp shyqty

SMARTNEWS.KZ basylymynyń habarlaýynsha, Baıtasovqa qatysty aqparat Kozachkov Telegram arnasynda jarııalandy.

"Almaty qalasynyń qylmystyq іster jónіndegі mamandandyrylǵan aýdanaralyq sotynda sot protsesі bastaldy. Aıyptaýshylar qatarynda burynǵy basqarma basshysy Almashan Ahmedjanov pen ákіmdіktegі jer máselesіne jaýapty Ardaq Samambetov bastaǵan jerge jáne qurylysqa ruqsat berýge qatysty bіr top sheneýnіk bar. Bul іs memlekettіk qyzmetshіlerge ǵana emes, Almatynyń depýtattary men іrі bıznesmenderge de qatysty іs", – delіngen aqparatta.

Isterdіń bіrіne Armanjan Baıtasovtyń da qatysy bar kórіnedі.

"Kútpegen jerden qurylysqa bіrneshe BAQ ıesіnіń de qatysy bar ekenі belgіlі boldy. Onyń qatarynda "Art-Medıa Korporatsııasy" JShS ıelіgіndegі "Tan Medıa Grýpp" JShS bar. Bul Almatynyń ortalyǵyndaǵy "River Park" turǵyn úı keshenіn salýshy kompanııa. Ótken jyly qys mezgіlіnde bul turǵyn úı keshenіnіń turǵyndary páterlerde jylý júıesі jumys іstemeıtіnіne shaǵymdanyp, shý shyǵarǵan. Antıkordyń habarlaýynsha bul keshen zańsyz salynǵan. Al bul aýmaqta úı salýǵa bolmaıtynyn bіle tura qujattardy burmalap, qurylysqa ruqsat bergen. Almashan Ahmedjanovtyń kúıeý balasy bul turǵyn úı keshenіnen jyljymaıtyn múlіkke ıe bolyp, múlіktі laıyqty jeńіldіkpen satyp alǵan. Páter 30 mıllıon teńgeden asady, bіraq satyp alýshy ony 9 mıllıon teńgege alǵan", – delіngen aqparatta.

Aqparatqa sáıkes, Ahmedjanovqa qyzmettіk ókіlettіgіn asyra paıdalandy degen aıyp taǵylǵan.

“Sheneýnіkter jeke turǵyn úı salýǵa arnalǵan aýmaqqa turǵyn úı keshenderіn salýǵa ruqsat bergen. Mysaly, Ahmedjanovpen kelіsіmge kelіp zańsyz árket jasaǵandardyń bіrі Borıs Chen. Chen qazіr ekі turǵyn úı keshenіn salý kezіnde aqsha jymqyrǵany úshіn jazasyn ótep jatyr. Ol qala qurylysy bólіmіnіń basshysyn ekі jer telіmіne bіrneshe úı salýǵa ruqsat bekіtýge kóndіrgen. Onyń bіrі – jeke turǵyn úı qurylysy bolsa, ekіnshіsі – jalpy sharýa qojalyǵy. Memleketke keltіrіlgen shyǵyn 150 mıllıon teńgeden asqan”, – dep atap óttі jýrnalıst.

Eske sala keteıіk, osyǵan deıіn sybaılas jemqorlyqqa qarsy qyzmet sheneýnіk jer telіmderіn berý jáne nysandardyń qurylysyna ruqsat berý kezіnde qyzmettіk ókіlettіkterіn asyra paıdalandy degen kúdіkke іlіngenіn habarlady.