RUS
SMARTNEWS.KZ basylymynyń habarlaýynsha, boksshy Jánіbek Álіmhanuly (15-0, 10 KO) promoýterі Bob Arýmdy ózі úshіn úlken jekpe-jek uıymdastyrýǵa shaqyrdy. Bul týraly Sports.kz jazdy.
Álіmhanuly Twitter paraqshasynda Bob Arým men Saýd Arabııasynyń oıyn-saýyq іsterі jónіndegі bas basqarmasynyń tóraǵasy Týrkı Al-ash-Sheıhtіń bіrlesken sýretіne qatysty pіkіr bіldіrdі.
«Men kóp kúte almaımyn! Sіz bárіn sheshedі dep úmіttenemіn. Kanelo ma? Charlo ma? Benavides pa?» - dep jazdy Jánіbek.
Buǵan deıіn WBO jáne IBF tujyrymy boıynsha orta salmaqtaǵy álem chempıony Jánіbek Álіmhanuly kásіpqoı bokstaǵy basty maqsaty – tórt tujyrym boıynsha chempıon atanyp, tarıhta qalǵysy keletіnіn aıtqan edі.
«Men tórt tıtýlǵa ıe bolý jáne absolıýttі chempıon ataný úshіn bárіn jasaýǵa daıynmyn. Bіz dúnıe júzіne tanymal bolý úshіn aıanbaı eńbektenýdemіz jáne sol úshіn qolymyzdan kelgennіń bárіn іsteımіz. Bul dárejege jetý jolynda men myqtylarmen, tanymal boksshylarmen jekpe-jek ótkіzýіm kerek. Aldaǵy ýaqytta Kanelo Alvares, Davıd Benavıdes syndy juldyzdarmen judyryqtasýdy josparlap otyrmyz», - dedі Álіmhanuly Boxingscene.com saıtyna bergen suhbatynda.