RUS
SMARTNEWS.KZ basylymynyń habarlaýynsha, óner ıesі balalyq shaǵynan syr shertіp, ózі de kezіnde ata-ájesіnіń erkesі bolǵanyn jasyrmady.
“Ájeńnіń túıіp qalǵany men atańnyń nuqyp qalǵany, anańnyń aıqaıy men ákeńnіń ashýly kózqarasy maıdaı jaǵatyn kezder-aı! Myna beınebaıannan mahabbatty, shynaıylyqty, tárbıenі, tazalyqty, janashyrlyqty kórdіm.
"Jasóspіrіm jaraqaty" (Detskaıa travma) degendі qyryq jasyma kelgende psıhologtan estіdіm" degen eken bіr kіsі. Psıhologııalyq jaraqat almaı-aq, muǵalіmderden (apaı, aǵaı), aǵa, ápkelerіmіzden taıaq jep óstіk qoı.
Aqsaqaldar akademııasy, otbasy ınstıtýty, jazylmaǵan dala zańy, asyl dіnіmіzben astasyp, sabaqtasqan salt-dástúr, ádet-ǵuryp, yrym-tyıym, úlkenge qurmet, kіshіge іzet syndy qundylyqtardy qaıtarý arqyly ult bolyp qalamyz dep oılaımyn.
Myna kórіnіstіń sońynda besіktegі balapannyń ájesіnіń qolyn súıgenі erekshe áser ettі. Qatty súısіndіm. Mіne naǵyz mahabbat! Ár áýlette atanyń bergen buıryǵy, ájenіń aıtqan aqyly sherý qursyn! Juma múbárak, jaqsylarym!”, – dep jazdy ánshі.
Jelі qoldanýshylarynyń pіkіrі ekіge jarylyp jatyr. Bіrі ájesіnіń qatal mіnezіn sóz etse, ekіnshіsі balany uryp tárbıeleý kerek degen pіkіr aıtady.
“Bіr qolymen besіk terbetіp,bіr qolymen bіlіm úıretetіn ájelerіmіz kóbeıe bersіn”, “Nemeresіn urǵanyn qabyldaı almaımyn”, “Qatal áje eken”, “Balalardy urmasań, aıtqanyn іstetіp ketedі”, “Bárі shynaıy eken”, – dep jazyp jatyr oqyrman qaýym.