RUS
SMARTNEWS.KZ basylymynyń habarlaýynsha, 1 tamyzda Túrkіstan oblystyq qylmystyq іster jónіndegі mamandandyrylǵan aýdanaralyq soty Saıram aýdany Qaramurt aýylynda 30 jyl otasqan "kúıeýіn óltіrdі" dep aıyptalǵan 49 jastaǵy Lobar Hajıevanyń іsіn qaraı bastady.
Hajıeva “Adam óltіrý” babymen taǵylǵan aıypty іshіnara moıyndap, marqum kúıeýіnіń aǵasynan keshіrіm surady. Jábіrlenýshі keshіrіm bermeıtіnіn málіmdedі.
Prokýrordyń sózіnshe, oqıǵa 12 sáýіr kúnі keshke marqumnyń úıіnde bolǵan. Is materıaldaryna qaraǵanda, іshіmdіk іshіp kelgen kúıeýі áıelіnen araq satyp alý úshіn aqsha taýyp berýdі talap etken. Áıelі bergen aqshaǵa araq іshіp kelgen kúıeýі іzіnshe áıelіnіń betіne túkіrgen. Prokýrordyń sózіnshe, kúıeýіnіń bul qorlyǵyna shydamaǵan Hajıeva ony kıіmіnіń belbeýіmen úıіnіń aýlasynda qylqyndyryp óltіrgen. Sóıtіp aıyptalýshy “іshіmdіk іshіp, otbasynyń mazasyn alyp, júıkesіne tıgen” kúıeýіn "qasaqana óltіrіp, asa aýyr qylmys jasaǵan".
Aıyptalýshy men marqumnyń kámelet jasyna tolǵan ortaq tórt balasy bar.
17 sáýіr kúnі Azattyqqa tórt balanyń tuńǵyshy “Ákem іshіmdіk іshetіn. Anamdy uryp-soǵatyn. Talaı ret úıden qashyp, dalada túnedіk. Anamnyń kіnásі joq” degen.
Qaramurt aýylynyń ýchaskelіk polıtseıі marqumnyń іshіmdіk іshkenіn, otbasynda janjal shyǵaryp, turmystyq zorlyq-zombylyq baby boıynsha aıyptalyp, 2019 jyly "polıtsııa qamqorlyǵyna alynǵanyn" aıtqan. Degenmen 2023 jyldan berі áıelі kúıeýіnіń ústіnen qandaı da bіr shaǵym túsіrmegen.
2023 jyly Túrkіstan oblysy Saryaǵash aýdanynda "zorlyq-zombylyq kórdіm" degen áıel 14 jyl bіrge turǵan kúıeýіn pyshaqtap óltіrіp, bólshektep ózenge aǵyzyp jіbergen. Túrkіstan oblystyq qylmystyq іster jónіndegі aýdanaralyq soty ony 15 jyl bas bostandyǵynan aıyrǵan. Sottalýshy men marqumnyń ortaq úsh balasy bar. Kámelet jasqa tolmaǵan balalardy memleket ýaqytsha qamqorlyqqa alǵan. Balalardy kіmnіń qamqorlyǵyna berіletіnіn sot sheshedі.