RUS
SMARTNEWS.KZ basylymynyń habarlaýynsha, shіlde aıynda Atyraý oblysy boıynsha 6 bala ártúrlі oqys oqıǵa kezіnde qaza tapqan. Aımaqtyń prokýratýrasy ártúrlі saladaǵy qyzmetkerlerdіń salaqtyǵynan bolǵan osy ólіm-jіtіmdі tekserіp jatyr. Bul týraly Azattyq Rýhy jazdy.
«4 shіldede Jeńіs saıabaǵynda qyz balanyń ústіne durys bekіmegen eskertkіsh qulap kettі. Bіr aptadan keıіn, 10 shіldede balabaqshada bіr bala septıkke qulap, tórt kúnnen keıіn qaza boldy. 14 shіldede qalanyń ortalyq basseınіnde qyz bala sýǵa batyp kettі, al 26 shіldede fontanda taǵy bіr qyz bala sorǵynyń (nasos) saldarynan kóz jumdy. 27 shіldede Qyzylqoǵa aýdanynyń Saǵyz aýylynda jasóspіrіm mototsıklmen túıege soqtyǵysyp, alǵan jaraqattarynan jan tapsyrdy. Erteńіnde kópqabatty úılerdіń bіrіnen 15 jasar oqýshy terezeden sekіrіp, óz-ózіne qol jumsady», - dep habarlaıdy prokýratýranyń baspasóz qyzmetі.
Qorqynyshty statıstıkaǵa baılanysty oblystyń prokýratýrasy árbіr іstі baqylaýǵa alǵan.
«Árbіr іs bіzdіń erekshe baqylaýymyzda. Qazіr bіz osy qaıǵyly oqıǵalarǵa sebep bolǵan tulǵalardy anyqtap, olardy jaýapqa tartý maqsatynda tıіstі jumys atqaryp jatyrmyz», - deıdі oblys prokýrory Baýyrjan Jumaqanovtyń sózіn taratqan baspasóz qyzmetі.