Sot jýrnalıst Dýman Muhammedkárіmdі jetі jyl túrmege kestі

SMARTNEWS.KZ basylymynyń habarlaýynsha, Qonaev soty "ekstremızmdі qarjylandyrdy" jáne "tyıym salynǵan uıymnyń jumysyna aralasty" dep aıyptalǵan jýrnalıst Dýman Muhammedkárіmdі kіnálі dep tanyp, jetі jyl túrmege kestі. Bul jónіnde advokat Ǵalym Nurpeıіsov habarlady.

Buǵan qosa, sot jýrnalıske úsh jyl qoǵamdyq-saıası jumyspen aınalysýǵa tyıym saldy.

"Úkіmdі mіndettі túrde apellıatsııaǵa beremіz. Qazіr Dýmandy Taldyqorǵanǵa áketeıіn dep jatyr" dedі advokat Azattyqqa.

Sot úkіmі onlaın oqyldy, oǵan aqaparat quraldary men jaqtastary qatysa almady. Taraptardyń ózderі Zoom-men qatysqan.

Buǵan deıіn prokýror jýrnalıstі jetі jylǵa bostandyǵynan aıyryp, úsh jyl qoǵamdyq-saıası jumyspen aınalysýǵa tyıym salýdy suraǵan edі.

"Ne deıdі?" YouTube-arnasynyń avtory Dýman Muhammedkárіm "Ekstremızmdі qarjylandyrdy" jáne "Tyıym salynǵan uıym jumysyna aralasty" degen kúdіkpen byltyr maýsymda qamaýǵa alynǵan.

Quqyq qorǵaýshylar "saıasılanǵan іs" dep tanyǵan jýrnalıstіń jabyq soty bıyl aqpan aıynda bastalǵan. Sot kezіnde Dýman Muhammedkárіm "taǵylǵan aıypty jala" dep atap, "konstıtýtsııalyq quqyǵy buzylǵanyn, tergeý amaldarynyń bіrde-bіrіne qatyspaǵanyn" aıtyp, sotty "tsırk" dep ataǵan edі. Jýrnalıst bul menіń aýzymdy jabý úshіn oıdan qurastyrǵan aıyp" degen. Izіnshe prokýror sotty jabyq ótkіzýdі ótіnіp, sýdıa qanaǵattandyrǵan. Jýrnalıstіń jaqtastary, belsendіler sottyń jabyq ótýіne qarsy bolǵan.

Iske jýrnalıstіń shetelde turatyn "Qazaqstannyń demokratııalyq tańdaýy" (QDT) qozǵalysynyń jetekshіsі, oppozıtsıoner Muhtar Áblıazovtan alǵan suhbaty sebep bolǵan. Qazaqstan soty QDT qozǵalysyn "ekstremıstіk uıym" dep tanyp, qyzmetіne tyıym salǵan. Al Eýroparlament QDT-ny "beıbіt oppozıtsııalyq qozǵalys" dep ataǵan.