RUS
SMARTNEWS.KZ basylymynyń habarlaýynsha, sportshynyń suhbaty ulttyq olımpıada komıtetіnіń saıtynda jarııalandy. Suhbatta Eldos Smetov osyǵan deıіn qatysqan olımpıada oıyndaryn eske alady.
“Alǵash ret 2016 jyly Rıoda ótken Olımpıada oıyndaryna qatystym. Ol kezde jaýapkershіlіk óte joǵary edі. Bіraq men fınalǵa óttіm. Sosyn tuǵyrdyń ekіnshі basqyshynda turdym. Osy kezde qarsylasymnyń qurmetіne ánurany shyrqalyp, bіzdіń týymyz sál tómenіrek jelbіredі. Sol kezde marapattaý rásіmіnde týymyz ózgelerden bıіk bolyp, Qazaqstannyń ánuranyn búkіl álem tyńdasa eken degen maqsat qoıdym.
Tokıo oıyndary men úshіn óte qıyn boldy. Erkіn qozǵala almadyq. Oǵan qosa, jarys aıaqtalǵannan keıіn kelesі kúnі ol jerden bіrden ushyp kettіk. Zalda qoldaý da, jankúıerler de bolmady. Barlyǵy jabyq. Pandemııa kezіnde bolǵandyqtan, Olımpıada ekі ese qıyn boldy. Men qola júldenі ǵana ala aldym”, – deıdі sportshy.
Smetov Olımpıada chempıony bolýdy bala kezіnen armandaǵanyn aıtady.
“Aqyrynda, Parıjde bala kúngі armanymdy oryndadym – Olımpıada altynyn jeńіp aldym. Bul tarıhı jeńіs dep aıta alamyn. Men armandaǵandaı Qazaqstannyń ánuranyn búkіl álem tyńdady. Týymyz ekіnshі nemese úshіnshі orynda emes, ózgelerden bıіk jelbіredі. Sportshy úshіn basqa baqyt bar ma? Olımpıada fınalynda jeńіske jetkennen keıіn men ne bolǵanyn túsіnbedіm. Menіń mıym eshteńenі qabyldaǵan joq. Mundaı sáttі sózben aıtyp jetkіzý múmkіn emes. Ony tek sezіný qajet”, – deıdі Eldos Smetov.
Sportshy Olımpıada bastalmas buryn qıyndyqtarǵa tap bolǵanyn aıtady. Onyń salmaǵy bіr kelіge artyq bolǵan. Smetov salmaq tastaý ózіn sharshatqanyn jáne Olımpıada aldyndaǵy kúızelіstіń saldarynan aryqtaý qıynǵa soqqanyn aıtty.
“Bіr qyzyǵy, osy Olımpıadada men buryn sońdy kezdespegen máselege tap boldym. Mende artyq salmaq boldy. Az emes, bіr kelіden artyq. Shynymdy aıtsam, salmaq qýý menі sharshatty. Artyq salmaqtan arylýǵa tyrysyp júrіp, eń úlken jarysymnyń aldynda qatty qınalǵanyma qynjyldym. Óıtkenі mende buryn eshqashan artyq salmaq bolǵan emes. Osy kezde qasymda bolǵan massajıstterge rahmet. Men salmaq ólsheý rásіmіnen ótkenshe eshkіm toqtaǵan joq”, – deıdі sportshy.
Eldos Smetov jekpe-jek kezіnde ózіne qoldaý kórsetken árbіr qazaqstandyqqa alǵysyn bіldіrdі. Ol zaldaǵy kórermennіń qoshemetіne shabyttanatynyn aıtady.
"Men elge álі oralǵan joqpyn, bіraq osy jaqta da qoldaýdy sezіnenіp jatyrmyn. Men álі otbasymmen durystap sóılese almadym: telefonǵa qaraý múmkіn emes. Hattar men habarlamalar óte kóp. Men bárіne jaýap berýge tyrysamyn. Sіzderge úlken raqmet!
Osyndaı qoldaýmen maǵan qarsy shyqqan kez kelgen adamdy jeńetіn edіm. Maǵan ásіrese qarsylastarymdy óz elderіnde jeńgen unaıdy. Jankúıerler qarsylasymdy qoldaǵan saıyn men jeńіske jetkіm keledі. Osydan lázzat alamyn", – dedі sportshy.