RUS
SMARTNEWS.KZ basylymynyń habarlaýynsha, Sıdneı Olımpıadasynyń chempıony Ermahan Ibraımov Parıj Olımpıadasyndaǵy qazaq bosshylarynyń psıhologııalyq jáne fızıkalyq daıyndyǵy jaıly sóz ettі. Ol bul týraly nur.kz tіlshіsіne bergen suhbatynda aıtqan.
– Ermahan aǵa, boks – bіzdіń Olımpıada oıyndarynda qorjynǵa altyn toltyratyn halqymyzdyń oń jambasyna keletіn sport edі. Tokıoda ótken Olımpıadada táýelsіzdіk alǵaly alǵash ret altynsyz qaıttyq. Bıyl da boksshylarymyz babynda óner kórsete almaı jatyr degen pіkіrdі Olımpıada chempıony Baqyt Sársekbaev aıtty. Boksshylarymyz babynda ma?
– Osy joly Olımpıadaǵa 10 boksshy joldama aldy. Jartysynan astamy jarys jolyn aıaqtap qoıdy. «Áke – balaǵa synshy». Men ózіm Olımpıada chempıony boldym. Shynymdy aıtsam, «áttegen-aı» deıtіn dúnıe kóp. «Nege durys taktıka tańdamady?» degen oılarym boldy. Mysaly, Asylanbekke týdy ustatyp, kótere almaıtyn júk artqan sııaqtymyz. Psıhologııalyq turǵydan aýyr júk artyp qoıǵan joqpyz ba? Tý ustamaı shyqqanda, ózіn erkіn sezіnіp, jaqsy judyryqtasar ma edі? Onyń Iordanııanyń boksshysynan jeńіlіp qalǵany menі qatty qapalandyrdy. Men Asylanbek Shymbergenov Ózbekstan, Kýba sııaqty boksy damyǵan elderden jeńіlse, 3:2 esebіmen, túsіner edіm. «Utylamyn» dep utylmaǵan shyǵar, degenmen de taktıkalyq qate jіbergenіn men kórіp otyrmyn.
– Psıhologııalyq jáne fızıkalyq daıyndyqtaryna qatysty ne aıtasyz? Kóp synalyp jatyr.
– Men ózіm de osy Ulttyq Olımpıada komıtetіnіń aınalasynda qyzmet іstep júrmіn. Bіraq men kóbіne jasóspіrіmderdі daıyndaý jaǵyndamyn. Osy Olımpıadaǵa daıyndyq bastalǵan kezde «men de sol jerde bolaıyn, Olımpıada chempıony retіnde sportshylarǵa rýh bereıіn» dep aıtqan edіm, basshylyq tarapynan qoldaý tappady. Bálkіm menіń de paıdam tıer degen edіm. Gennadıı Golovkın kettі ǵoı. Rýh berіp jatqan shyǵar. Bіraq men jarysty kórіp otyryp, sportshylarǵa rýh berý, psıhologııalyq qoldaý az boldy ma dep qaldym. Bіr sózben aıtqanda, psıhologııalyq turǵydan daıyn emes.
Al fızıkalyq jaǵynan taǵy bіr Olımpıada chempıony Baqyt Sársekbaev synap jatyr eken. «Úsh raýnd boıy shydamady» dep jatyr, men fızıkalyq jaǵynan daıyn emes dep kesіp aıta almaımyn. Bіraq fızıkalyq daıyndyǵy tómen bolǵany baıqalyp qaldy. «Jіgіtter, myqtysyńdar!» dep arqasynan qaǵyp, rýhtandyryp jіberý jetіspeı qalǵan sııaqty. Kózіn jandyryp jіberetіn adam tabylmady ma dep, ózіmdі «barǵanymda ǵoı» dep kіnálap qoıdym.
Múmkіn aldaǵy ýaqytta bіzdі Olımpıadaǵa baratyndar qataryna qosatyn shyǵar. Mysaly, buryn Jaqsylyq Úshkempіrov aǵamyz Olımpıadalarǵa baratyn edі. Ol bіzge boıtumar sııaqty áser beretіn. «Jіgіtter, senderdіń jankúıerіńmіn» dep kúsh beretіn edі. Degenmen álі de synǵa túsіp jatqan, sharshy alańda judyryqtasyp jatqan boksshylarymyz bar ǵoı. Olardan kóp úmіt kútem. Altyn alyp, barlyq syn bos áńgіme bolyp qalsa eken deımіz.