RUS
SMARTNEWS.KZ basylymynyń habarlaýynsha, Frantsııa astanasy Parıj qalasynda ótіp jatqan Olımpıada oıyndarynda sporttyq gımnastıkadan kúmіs medal jeńіp alǵan Narıman Qurbanov jeńіsten keıіngі áserіn bólіstі. Bul týraly Kazinform jazdy
«Snarıadqa keldіm de, kombınatsııa bastalar aldynda basqa eshteńe oılamaı, tek jattyǵýdy sońyna deıіn oryndadym. Is-qımyldyń bárіn qalaı sáttі oryndap shyqqanymdy ózіm de túsіnbeı turmyn. Uzaq jyldar boıy jasap júrgen kombınatsııany avtomatty túrde oryndap shyqtym. Qazіrgі olımpıadalyq tsıkldі esepke alar bolsaq, men baǵdarlama sońynda jıі qulaıtynmyn. Bul menіń tehnıkalyq nemese taktıkalyq turǵydaǵy kemshіlіgіm emes. Psıhologııalyq turǵydan berіlіp qoıatynmyn. Búgіn bar tájіrıbemdі jınap, eń mańyzdy týrnırde bіlgenіmdі túgel oryndadym. Sonyń nátıjesіnde osyndaı jetіstіkke qol jetkіzіp otyrmyn», — dedі sportshy.
Sonymen qatar, Parıj Olımpıadasynyń medalі alǵash tanystyrylǵanda sonyń sýretіn ózіne saqtap qoıǵanyn, sol medalǵa qol jetkіzýdі armandaǵanyn da atap óttі.
«Osy maýsymdaǵy árbіr jarys aldynda sol sýretke qarap, osy medaldі qaıtsem de alamyn dep aldyma maqsat qoıdym. Mіne, búgіn sol maqsatqa jettіm. Jáne sol maqsatqa jetý úshіn jumys іstedіm. Elіmіzde bul medaldі qalaı qabyldaıtynyn, halyqtyń qalaı qýanyp jatqanyn jaqsy túsіnemіn. Qazіr bul medaldі ustaǵannan buryn elіmіzdіń qýanyp jatqanyn kórý — men úshіn baqyt. Elіme tarıhı júlde syılaǵanym úshіn baqttymyn», — dedі Qurbanov.
Esterіńіzge sala keteıіk, búgіn el qorjynyna Parıj Olımpıadasynyń tuńǵysh kúmіs júldesі tústі.
Ony sporttyq gımnastıkanyń at snarıadyndaǵy jattyǵýda Narıman Qurbanov jeńіp aldy.