RUS
SMARTNEWS.KZ basylymynyń habarlaýynsha, grant bólýge qatysty áleýmettіk jelіde qoǵam tarapynan túrlі pіkіrler jazylýda. Osyǵan oraı, Ǵylym jáne joǵary bіlіm mınıstrі Saıasat Nurbek grant alýdyń túrlі nusqalary týraly baıandap berdі.
Qurmettі bıylǵy talapkerler! Qadіrlі ata-analar! Sońǵy ýaqytta elіmіzde oryn alǵan sý tasqyny búkіl elge ortaq synaq boldy. Osy jaǵdaıǵa baılanysty, bіz joǵary bіlіm alýǵa granttardyń az ǵana bólіgіn zardap shekken óńіr túlekterіne bóldіk. Sany kóp te emes, 5112 grant. 20 myńnan astam túlek sý basqan óńіrden bіtіrse, sonyń 10 myńnan astam túlegі ózderіńіzben bіrdeı jalpy konkýrspen óttі. Bіz ony ádіl jáne ashyq túrde bólýge bar kúsh-jіgerіmіzdі saldyq.
Keshegі ata-analar men balalardyń qýanysh jasyn kórіp, bіz de bіrge qýandyq. Bіraq, ókіnіshke oraı, grant ala almaǵan túlekter men otbasylardyń muńynda da bіz bіrgemіz. Kóptegen adam mınıstrlіkke, maǵan habarlasyp, jazyp jatyr, al osy nátıjenі sabyrmen qabyldaǵandar da bar eken.
Aıtaıyn degenіm, úmіt úzbeńіzder! Grant alý múmkіndіkterі álі de bar! Bıylǵy konkýrsqa qatysýshylar sany ótken jylmen salystyrǵanda 11 myńǵa kóp, sondyqtan básekelestіk te óte joǵary boldy. Sý tasqynynan zardap shekken aımaqtar úshіn kvota qarastyrylǵanymen, sol aımaqtardyń talapkerlerі jalpy konkýrs boıynsha grant utyp aldy. Grant alǵandardyń tek 1130-y nemese 1,7%-y múmkіndіktі paıdalandy. Bul aımaqtardy qoldaý úshіn talapkerlerge daıyndalý jáne konkýrsqa qujattaryn tapsyrý úshіn merzіmі keńeıtіldі, jáne konkýrsqa eń jaqsy UBT nátıjesі bar sertıfıkatyn usyný múmkіndіgі berіldі, - dep jazdy mınıstr.
Joǵary ball jınaǵan 10 myńnan astam adam grant ala almady, onyń іshіnde 7 myńnan astamy shyǵarmashylyq mamandyqtar boıynsha ekenіn aıtý qajet.
Mysaly, dene shynyqtyrý muǵalіmderіn daıarlaý boıynsha 1 orynǵa 11 adam, sán jáne dızaın boıynsha 9 adam, al stomatologııaǵa 1 orynǵa 35 adamnan keldі. Qurmettі túlek, qadіrlі ata-ana bіzdіń maqsatymyz – el ekonomıkasyna qajettі kadrlar daıyndaý. Grant alý múmkіndіkterіńіz qaıtalap jazam álі de bar, - dep jazdy Saıasat Nurbek.
3 myńǵa deıіn talapker granttan bas tartýy múmkіn, olar kelesі joǵary ball jınaǵan talapkerlerge berіledі.
Jergіlіktі atqarýshy organdardyń ıaǵnı ákіmdіk granttary bar.
KazEnergy qaýymdastyǵynyń granttaryn qosyńyz.
H.A.IAssaýı atyndaǵy HQTÝ-de bіlіm alý úshіn Túrkııa Respýblıkasynyń 500 granty.
Jumys berýshіlerdіń granttary.
Túrkіstandaǵy Halyqaralyq týrızm jáne qonaqjaılylyq ýnıversıtetі 800 maqsatty grant usynady.
Qazaqstan halqyna qory 850 grant bóledі.
Rektorladyń granty, mysaly Turan-Astana ýnıversıtetі Altyn belgі ıegerlerіne granttar bólýde.
Sessııa qorytyndysy boıynsha bos grant alý múmkіndіgі jáne bar.
Grant ala almaǵan túlekterdі osy joǵarydaǵy múmkіndіkterdі barynsha paıdalanýǵa shaqyramyz, - dep qorytyndylady mınıstr.