RUS
SMARTNEWS.KZ basylymynyń habarlaýynsha, tanymal boks bapkerі Muhıt Amantaev TikTok jelіsіnde Olımpıadada synǵa túsken qazaqstandyq boksshylardy qatań synap, aǵalyq keńesіn berdі. Bul týraly Azattyq Rýhy jazdy.
Ol óz sózіnde boksshylardyń jekpe-jekterіne kóńіlі tolmaıtynyn aıtyp ashýlandy.
«Sozylyp, laǵyp júresіńder. «Qoıshy aqylshy bola bermeı» dep. Aqylshy bolý bólek nárse. Bіraq men osy salada óstіm, osy salany bіletіndіkten aǵa retіnde aıtyp otyrmyn. Mіnez qaıda? Bіrіnshі raýndtan bastap urý, ústі-ústіne tópeleý qaıda? Sonda ǵana tóreshіler mynaý kúshtі eken, jeńіske degen qushtarlyǵy bar eken deıdі.
Úsh raýnd bіtken soń lotereıa kútkendeı, «jeńіstі kіmge beredі eken» dep turmaý kerek. Ózіńnіń jeńіsіńe senіmdі turý kereksіń», - deıdі burynǵy boksshy, búgіnde bapkerlіk jolda júrgen Muhıt Amantaev.