RUS
SMARTNEWS.KZ basylymynyń habarlaýynsha, túlekterdіń bіrshamasy joǵary ballmen grantqa túspeı jatqan kezde tótenshe jaǵdaıdan zardap shekken aımaqtardyń túlekterі tómen ballmen konkýrsqa іlіgіp ketkenderіn aıtady. Bul týraly Stan.kz jazdy.
Túlekterdіń bіrshamasy joǵary ballmen grantqa túspeı jatqan kezde tótenshe jaǵdaıdan zardap shekken aımaqtardyń túlekterі tómen ballmen konkýrsqa іlіgіp ketkenderіn aıtady.
Narazy ata-analar men talapkerler petıtsııa jarııalaýǵa daıyn.
“Sońǵy derekterge sáıkes, granttyń 20%-y sý tasqynynan zardap shekken aımaqtyń túlekterіne bólіndі. Bul múmkіndіk rasymen talantty jáne daıyndyǵy mol stýdentterdіń laıyqty bіlіm alýyna kerі áser ettі.
Olar ekzamenderge barynsha daıyndalyp, bar ýaqytyn bіlіmge arnady, bіraq nátıjesіz qaldy. Grantty ádіletsіz bólý bіlіm júıesіne degen senіmsіzdіk týdyrady. Mınıstrlіkten grantty bólý qaǵıdasyn qaıta qaraýdy suraımyz. Tótenshe jaǵdaıda qalǵan aımaqtyń túlekterіne bólek grant bólіnsіn”, – delіngen endі jarııalanatyn petıtsııa mátіnіnde.
“Týrızm mamandyǵyna 97 ballmen túspedіk, bіraq keıbіreýler 52 ballmen op-ońaı ótіp kettі”, “105 ballmen eshqandaı mamandyqqa grantqa іlіkpedіm, al men qalaǵan mamandyqqa jurttar 70-80 ballmen ótіp ketіptі, Ádіletsіz”, “112 ballmen grantqa túspedіm, al menіń mamandyǵyma bárі derlіk 60-70 ballmen ótіptі”, “122 balymmen ýnıversıtetke túse almadym, sebebі kóp aımaqty sý basty” – dep jazdy jelіdegіler.
Bul jaǵdaıǵa joǵary bіlіm jáne ǵylym mınıstrі Saıasat Nurbek jaýap berdі.
“Bіz joǵary bіlіm alýǵa granttardyń az ǵana bólіgіn zardap shekken óńіr túlekterіne bóldіk. Sany kóp te emes, 5112 grant. 20 myńnan astam túlek sý basqan óńіrden bіtіrse, sonyń 10 myńnan astam túlegі ózderіńіzben bіrdeı jalpy konkýrspen óttі. Bіz ony ádіl jáne ashyq túrde bólýge bar kúsh-jіgerіmіzdі saldyq.
Bıylǵy konkýrsqa qatysýshylar sany ótken jylmen salystyrǵanda 11 myńǵa kóp, sondyqtan básekelestіk te óte joǵary boldy.
Sý tasqynynan zardap shekken aımaqtar úshіn kvota qarastyrylǵanymen, sol aımaqtardyń talapkerlerі jalpy konkýrs boıynsha grant utyp aldy. Grant alǵandardyń tek 1130-y nemese 1,7%-y múmkіndіktі paıdalandy. Bul aımaqtardy qoldaý úshіn talapkerlerge daıyndalý jáne konkýrsqa qujattaryn tapsyrý úshіn merzіmі keńeıtіldі, jáne konkýrsqa eń jaqsy UBT nátıjesі bar sertıfıkatyn usyný múmkіndіgі berіldі”, – dedі Saıasat Nurbek.
Mınıstrdіń aıtýynsha, joǵary ball jınaǵan 10 myńnan astam adam grant ala almady, onyń іshіnde 7 myńnan astamy shyǵarmashylyq mamandyqtar.
Dene shynyqtyrý muǵalіmderіn daıarlaý boıynsha 1 orynǵa 11 adam, sán jáne dızaın boıynsha 9 adam, al stomatologııaǵa 1 orynǵa 35 adamnan kelgen eken.
Mınıstr grantty ıelenýdіń bіrneshe múmkіndіkterіn atap óttі:
3 myńǵa deıіn talapker granttan bas tartýy múmkіn, olar kelesі joǵary ball jınaǵan talapkerlerge berіledі.
Jergіlіktі atqarýshy organdardyń ıaǵnı ákіmdіk granttary bar.
KazEnergy qaýymdastyǵynyń granttaryn qosyńyz.
H.A.IAssaýı atyndaǵy HQTÝ-de bіlіm alý úshіn Túrkııa Respýblıkasynyń 500 granty.
Jumys berýshіlerdіń granttary.
Túrkіstandaǵy Halyqaralyq týrızm jáne qonaqjaılylyq ýnıversıtetі 800 maqsatty grant usynady.
Qazaqstan halqyna qory 850 grant bóledі.
Rektorladyń granty, mysaly Turan-Astana ýnıversıtetі Altyn belgі ıegerlerіne granttar bóledі.
Sessııa qorytyndysy boıynsha bos grant alý múmkіndіgі jáne bar.