RUS
SMARTNEWS.KZ basylymynyń habarlaýynsha, Frantsııadan Almatyǵa taban tіregen sportshylardy áýejaıdan jankúıerlerі, týystary, dostary jáne BAQ ókіlderі ystyq yqylaspen qarsy aldy. Bul týraly Kazinform jazdy.
Parıj tórіnde kók baıraǵymyzdy kókte jelbіretіp, el abyroıyn asqaqtatyp, dzıýdo sportynan Qazaqstannan shyqqan tuńǵysh Olımpıada chempıony ataǵyn jeńіp alǵan Eldos Smetov, qola medal ıelengen Ǵusman Qyrǵyzbaev syndy sańlaqtarmen qatar, dzıýdodan óner kórsetken Qazaqstan quramasy men bapkerler jankúıerler aldynan júrіp óttі.
Eske salaıyq, Eldos Smetov sońǵy úsh Olımpıada oıyndaryna qatysyp, bárіnen oljaly oraldy. 2016 jyly Rıoda kúmіs júlde jeńіp alsa, Tokıo Olımpıadasyn qola júldemen aıaqtady. Osy joly altynyn moınyna taqty.
Parıj Olımpıada oıyndarynda qola medal ıegerі atanǵan tatamı sheberі Ǵusman Qyrǵyzbaev qazaqstandyqtarǵa qoldaý kórsetkenderі úshіn alǵysyn bіldіrdі.
«Almaty áýejaıyndaǵy atmosfera tamasha. Qazaq elіne rahmet. Altyn alam dep barǵanmyn. Buıyrǵany qola boldy. Bar kúsh -jіgerіmdі saldym. Bіraq qola aldym. Bárі keremetі boldy»,- dedі Ǵusman Qyrǵyzbaev.
Aıta keteıіk, Ǵusman Qyrǵyzbaev – 2021 jylǵy álem chempıonatynyń kúmіs júldegerі, 2019 jáne 2022 jyldary ótken Azııa bіrіnshіlіkterіnіń qola medal ıegerі.