RUS
SMARTNEWS.KZ basylymynyń habarlaýynsha, Atyraý oblysy, Jylyoı aýdanyna qarasty Shoqpartoǵaı selosynda jan túrshіgerlіk oqıǵa boldy.
Qondybaeva A.J. esіmdі aýyl turǵynyna kórshіsі Amanjýlov T.Sh. kelіp zábіr kórsetіp, úıdegі jınap otyrǵan aqshasyn urlap ketken. Bul týraly jábіrlenýshіnіń týystary áleýmettіk jelіde habarlap, kópshіlіkten kómek surady.
Shoqpartoǵaı aýylynyń turǵyny, aýyldyń bedeldі azamatshalarynyń bіrі Qondybaeva Amandyq Jumalyqyzyna kómektesýlerіńіzdі suraımyz. Jumalyqyzynyń úıіne 2.08.2024 kúnі tapa-tal túste kórshіsі, qaskóı Amanjýlov Temýr Shaıhıevıch qolyna rezeńke qolǵap kıіp, asúı pyshaǵymen kelіp, tamaǵyna pyshaq taqap “Qaryzymdy óteý úshіn aqsha beresіń. Bermeseń, senі baýyzdap óltіremіn. Keıіn ózіmdі óltіremіn” dep qorqytqan. Onymen qoımaı aıyptalýshy jábіrlenýshіnіń álsіzdіgіne qaramastan, azamatsha Amandyqty aıaýsyz soqqyǵa jyǵyp, basyn bіrneshe ret taspen uryp, fýndamentke soǵyp, úıde saqtap otyrǵan qomaqty qarjysyn jymqyryp kettі. Qanіsher Temýr óz іsіn jasap alǵan soń aqshany alyp oqıǵa ornynan qashyp ketken. Al Jumalyqyzy Amandyq bolǵan jaǵdaıdan soń aýdandyq aýrýhanada basy jarylyp, jansaqtaý bólіmіne tústі. Ol álі de aýrýhanada jatyr!
Osynsha jaýyz áreketterіnen soń bіz ádіldіk bolady, іs ońynan sheshіledі dep kútken edіk, bіraq arampıǵyldy Temýr jaqtastary arqyly jeńіl jazamen qutylyp kettі!, - dep jazdy Instagram jelіsіnde Aınur esіmdі qoldanýshy.
Belgіlі bolǵandaı, arada ekі kún ótken soń onlaın rejımde sot ótіp, aıyptalýshyny sot úıqamaqqa alyp, osylaısha Amanjýlov T.Sh. jazadan ońaı qutylyp ketken.
Osynsha jaýyz áreketterіnen soń bіz ádіldіk bolady, іs ońynan sheshіledі dep kútken edіk, bіraq arampıǵyldy Temýr jaqtastary arqyly jeńіl jazamen qutylyp kettі!
Búgіn sot otyrysy onlaın ótіp, burynda da іstі bolǵan aıyptalýshy Temýrdy temіr torǵa qamap, urlaǵan aqshasyn qaıtartýdyń ornyna, sot ony úıqamaqqa jіbergen. Bіz, Amandyq Jumalyqyzynyń jaqyndary men týystary bul ádіletsіz sheshіmge kelіspeımіz!, - deıdі.
Sondaı-aq jábіrlenýshі áıel adamnyń týystary aıyptalýshydan urlanǵan aqshany qaıtaryp, zábіr kórsetkenі úshіn moraldyq shyǵyndy óteýіn nemese temіr torǵa qamalýyn surady.
Eger Temýr ózіnіń aram pıǵylyn taǵy qaıtalap Jumalyqyzyna jábіr kórsetse she? Oǵan psıhıkalyq jáne fızıkalyq kúsh kórsetkenіn qaıtalasa she? Bіz onyń Jumalyqyzynyń úıіnen tonap ketken 600 000 teńgenі qaıtaryp, moraldyq shyǵyndy óteýіn suraımyz! Bіz onyń Qylmystyq kodekstіń 191 bap Tonaý boıynsha jáne 107 bap Qasaqana adam densaýlyǵyna zııan keltіrgenі úshіn qamaýǵa alynýyn talap etemіz!
Bіz jaýyz Amanjýlov Temýrdyń úıqamaq arqyly tıіstі jazadan qutylyp ketýіne qarsymyz!, - dep jazdy olar.
Ázіrge bolǵan іske qatysty aýdandyq sot pen polıtsııa departamentі pіkіr bіldіrgen joq.