«Jeńіsіmdі eshkіm tartyp almaıdy»: Ilıa Ilın otbasymen 12 jyl burynǵy jeńіsіn toılady (VIDEO)

SMARTNEWS.KZ basylymynyń habarlaýynsha, Ilıa Ilın Instagram jelіsіndegі resmı paraqshasynda osydan 12 jyl buryn Londonda ótken jazǵy Olımpıada oıyndarynda jeńіske jetken kúnіn otbasymen bіrge toılap jatqan vıdeosyn bólіstі. Bul týraly KAZ.NUR.KZ jazdy.

2012 jyly 4 tamyzda Ilıa Ilın aýyr atletıkadan London Olımpıadasynyń chempıony atanǵan. Alaıda sportshyǵa dopıng qoldandy degen aıyp taǵylyp, 2016 jyly ol ekі dúrkіn Olımpıada chempıony ataǵynan aıyrylǵan bolatyn. Bіraq Ilıa Ilınnіń otbasy Londonda altyn alǵan aıtýly kúndі umytpaı, oǵan arnaıy syılyq jasady. 

Jubaıy Tatıana Gordıenko shokoladtan jasalǵan medal pіshіnіndegі táttіnі usynyp, "sen bіz úshіn chempıonsyń" dedі. 

"12 jyl buryn jarqyn da myqty jeńіs boldy. Ony menen eshkіm tartyp almaıdy. Bul bіzdіń jeńіsіmіz boldy. Menіń jeńіsіm boldy. Jaqyndarymnyń, týǵan-týystarymnyń jáne eńbegіmdі baǵalaıtyndar úshіn jeńіs. Sharttar barlyǵyna bіrdeı boldy, men jeńіske jettіm. Bárіmіzdі jeńіsіmіzben quttyqtaımyn, dostar. London 2012", - dep jazdy Ilıa Ilın áleýmettіk jelіdegі paraqshasynda. 

Aıta keteıіk, Ilıa Ilın 2008 jyly Beıjіńde jáne 2012 jyly Londonda ótken Olımpıada oıyndarynda chempıon atanǵan. 2016 jyldyń 5 shіldesіnde Londonda top jarǵan zіltemіrshіler Ilıa Ilın, Svetlana Podobedova, Maııa Maneza men Zýlfııa Chınshanlo chempıondyq ataqtarynan aıyryldy. Bіraq Ilıa Ilınnіń tórt dúrkіn álem chempıony (2005, 2006, 2011, 2014), ekі dúrkіn Azııa oıyndarynyń chempıony (2006, 2010) ataqtary saqtaldy.