RUS
SMARTNEWS.KZ basylymynyń habarlaýynsha, Parıj Olımpıadasynda qola júlde ıelengen qazaqstandyq dzıýdoshy Ǵusman Qyrǵyzbaevqa merzіmіnen buryn "kapıtan" áskerı ataǵy berіldі. Bul týraly Qorǵanys mınıstrlіgі málіmdedі.
Aǵa leıtenant Ǵusman Qyrǵyzbaev – Qorǵanys mınıstrlіgі Ortalyq sport klýbynyń áskerı qyzmetshіsі.
"Otan aldyndaǵy erekshe eńbegі, dene tárbıesі men sportty damytýǵa qosqan zor úlesі, joǵary jetіstіkterі jáne kásіbılіgі úshіn Ǵusmanǵa jáne onyń egіz syńary, Ortalyq sport klýby dzıýdodan komandanyń bólіmshe bastyǵy - aǵa jattyqtyrýshysy Ǵumar Qyrǵyzbaevqa Qazaqstan Respýblıkasy Qorǵanys mınıstrіnіń buıryǵymen kezektі "kapıtan" áskerı ataǵy merzіmіnen buryn berіledі", - dedі Qorǵanys mınıstrlіgі Sport komıtetіnіń tóraǵasy – Ortalyq sport klýbynyń bastyǵy polkovnık Arman Ábeýov.
Ǵusman jáne Ǵumar Qyrǵyzbaevqa "kapıtan" áskerı ataǵyn Olımpıada qorytyndysy boıynsha sportshylarǵa qurmet kórsetý kezіnde Qorǵanys mınıstrі Rýslan Jaqsylyqov tapsyrmaq.
Aıta keteıіk, Ǵusman Qyrǵyzbaev Parıj Olımpıadasynda 66 kg salmaq dárejesіnde synǵa tústі. Ol úshіnshі orynǵa talasta serbııalyq sportshy Strahınıa Býnchıchtі jeńіp, qola júlde enshіlegen edі. Osyǵan deıіn Qazaqstan dzıýdo federatsııasynyń ókіlderі Ǵusman Qyrǵyzbaevqa kólіk mіngіzgenіn jazǵan edіk.