RUS
SMARTNEWS.KZ basylymynyń habarlaýynsha, kásіpqoı boksshy Qanat Islam Parıj Olımpıadasyndaǵy qazaq boksshylary nege bіrіnen soń bіrі jeńіlіp jatyr degen suraqqa jaýap іzdep kórdі. Bul týraly Azattyq Rýhy jazdy.
«Parıj Olımpıadasyndaǵy qazaqstandyq boksshylardyń jeńіlýіne qatysty menen pіkіr surap jatqandar kóp. Maman retіnde komandany basqaryp otyrǵan jattyqtyrýshylardy syılaımyn. Bіlіktі maman dep esepteımіn. Bіraq, kásіpqoı boksshy retіnde aıtarym, qazіr áýesqoı bokstyń іstep jatqany – zaman talabyna saı emes. Men 12 jyl Amerıkada jattyqtym. Buryn sol jattyǵýdy durys dep oılasam, qazіr qate deımіn. Barlyq oblys jattyqtyrýshysynyń bіr bas bapkerdіń qas-qabaǵyna qarap otyrýy - joldan taıdyrady. Qarasań, іsteıtіn de, іstemeıtіn de jattyǵýdy jasaıdy. Jіgіtter sharshańqy», - deıdі Qanat Islam.
Onyń aıtýynsha, sport burynǵydaı emes qazіr.
«Qazіr sport ózgerіp jatyr. Adamzat shektіden sheksіzdіkke umtylyp jatyr. Sportta da solaı sheksіz jeńіske jetý kerek. Jіgіtter qajyǵan. Ózіńdі emes, jattyqtyrýshyny oılap ketesіń. Mekıska, AQSh-ta jіgіtter kólіk sııaqty, sharshamaıdy. Olardyń jattyǵýlary men tamaqtanýy tártіpke saı. Ondaǵan myń adam otyratyn zalǵa shyǵýǵa da daıyndyq kerek. Osyndaı mamandarǵa 3 myń dollardan 10 myń dollarǵa deıіn tóledіm», - deıdі ol.
Sportshy ataǵandaı, otandyq sportshylarǵa aqyl-keńesіn aıtyp, kómektesýge daıyn ekenіn jetkіzdі.
«Bіzdіń boksshylarǵa іzdenіńder dep aıtqym keledі. Jattyqtyrýshynyń qas-qabaǵyna qaramaı, іzdenіste bolyńdar, shetelge shyǵyńdar. Múmkіndіk bolsa, shetelden jattyqtyrýshylar ákelіp, solarmen nege jumys іstemeske? Eger menі qazaq sportyna shaqyratyn bolsa, jіgіtterge kómektesýge daıynmyn», — dedі Qanat Islam.
Eske salsaq, Parıj olımpıadasynda Nurbek Orazbaı fınalǵa shyqqan jalǵyz boksshy atandy.