RUS
SMARTNEWS.KZ basylymynyń habarlaýynsha, Parıj Olımpıadasynyń chempıony Eldos Smetov tatamıge japon dzıýdoshysynyń kımonosyn kıіp shyqqany týraly aıtty. Bul týraly Msports.kz jazdy.
Eldos Smetov Parıj tatamıіnde áıgіlі japon dzıýdoshysy Naohısa Takatonyń kımonosyn kıіp beldesken edі. Sebebі 60 kg salmaq dárejesіnde Olımpıadaǵa baratyn qazaqstandyq dzıýdoshy kesh anyqtalǵandyqtan, Smetov kımono tіktіrýge úlgermeı qalǵan.
"Olımpıada aldynda kımonony tіktіrіp kúresemіn dep oıladym. Tokıoda arnaıy tapsyryspen jasatyp kúreskenmіn. Bul joly da solaı jasaǵym kelgen. Bіraq bul joly baratynym óte kesh anyqtaldy. Tapsyrysyma úlgermeıtіn boldy. Takatomen bіrdeı ólshemde kımono kıemіn. Týra tіktіrý úshіn odan ruqsat alýym kerek. Ol tіgetіn kompanııaǵa ruqsatyn berý kerek. Odan keıіn baryp maǵan tіgіp beredі. Men onymen sóılesіp, kımono tіktіrіp berýіn suradym. Ol sóılesіp, ýaqytpen olar da úlgermeıtіnіn aıtty.
Endі ne іsteımіn dep qınalyp turǵanymdy kórіp, Takato ózіnіń kıіp júrgen aq kımonosyn, álі kıіlmegen kók kımonosyn Olımpıadaǵa bara jatsyń, menіń atymnan syı retіnde qabyl al dep salyp jіberdі. Unasa jarysyńa kıesіń, unamasa jattyǵýǵa kıersіń. Menіń dostyq syılyǵym bolsyn degen nıetpen berdі. Ekeýmіz 6 ret kezdesіp, bárіnde oǵan ese jіberdіm. Bіraq ekeýmіzdіń beldesýіmіz árqashan qyzyqty bolǵan, sońyna deıіn kúresetіnbіz. 10 jyldan berі bіr-bіrіmіzdі tanımyz, jaqsy dospyz", - dedі Eldos.
Jelіde Eldos Smetovtyń fınaldaǵy jeńіsіnen keıіn týdy alyp jelbіreter sátte uıymdastyrýshylar kedergі jasap, týdy tartyp alýǵa tyrysqany túsіrіlgen vıdeo jarııalanǵan edі. Chempıon bul týraly pіkіrіn aıtty.
"Bárі tez boldy. Durys túsіnbeı de qaldym. Qolymnan týdy aldyrǵan joqpyn, jyqqan joqpyn, juldyrǵan joqpyn, eshkіmge bergen joqpyn. Sońyna deıіn ózіm ustap, ózіm alyp kettіm", - dedі dzıýdoshy.
Eldos Smetov Olımpıada chempıony atanǵan soń, Parıjdegі taksı júrgіzýshіlerіnіń bіrі ony tanyp, jeńіsіmen quttyqtaǵan eken.
"Jarystarǵa barý úshіn taksı jaldadyq. Júrgіzýshі aınaǵa qarap qoıady. Bіr ýaqytta, "Are you Smetov?" dep surady. Iá, desem. "Olympic champion" dep quttyqtap, qýanyp jatyr. Parıjde jumys іstep júrgen qarapaıym adam qazaqtyń balasyn tanyp qalǵany, menі tańǵaldyrdy. Olımpıada chempıony ekenіmdі sezіndіrdі", - dedі qazaqstandyq sportshy.
Sondaı-aq Eldos Smetov jattyqtyrýshy bolý oıda bar ekenіn, 36 jasynda taǵy bіr Olımpıada oıyndaryna qatysýy múmkіn ekenіn aıtty.