Astanada 5 balabaqsha meńgerýshіsі balalar tamaǵyna bólіngen 35 mln teńgenі «jep qoıǵan»
35 mln teńgeden astam qarajat bıýdjetke qaıtaryldy.
SMARTNEWS.KZ basylymynyń habarlaýynsha, Astanada 5 balabaqsha meńgerýshіlerі jáne olardyń kómekshіlerі balalardy tamaqtandyrýǵa arnalǵan aqsha qarajatyn jymqyrǵany úshіn kіnálі dep tanyldy.
«Eks-balabaqsha basshylary mázіrge sáıkes qajettі azyq-túlіk kólemіn kórsetіp, ótіnіmder bergen. Alaıda, aldyn ala ónіm berýshіmen qylmystyq sóz baılasyp, olar tolyq jetkіzіlіm týraly qujattarǵa jalǵan málіmetter engіzgen. Qylmystyq shemanyń bastamashysy jáne qylmystyq kelіsіmnіń tіkeleı uıymdastyrýshysy buryn sottalǵan olardyń sybaılasy (ónіm berýshі) bolǵan», - dep habarlady Astana qalasy prokýratýrasy.
Prokýror sottalǵandardyń kіnásіn dáleldeıtіn barlyq aıǵaqtardy usyndy. Sot úkіm shyǵardy.
«Sot úkіmіmen balabaqsha meńgerýshіlerіne taǵaıyndalǵan barlyq merzіmge probatsııalyq baqylaý belgіlene otyryp, 2 jyldan 3 jylǵa deıіngі merzіmge bas bostandyǵyn shekteý, májbúrlі eńbekke tartý jáne memlekettіk qyzmette qyzmet atqarýǵa ómіr boıyna tyıym salý jazasy taǵaıyndaldy», - delіngen úkіmde.
Uqsas qylmystar úshіn ótelmegen sottylyǵy bolǵan olardyń sybaılasy 4 jylǵa bas bostandyǵynan aıyryldy.
Jymqyrǵan 35 mln teńgeden astam qarajat bıýdjetke qaıtaryldy.
Úkіm zańdy kúshіne endі.
Material avtory
