RUS
SMARTNEWS.KZ basylymynyń habarlaýynsha, Túrkіstan oblysynyń Keles aýdanynda úılený toıyna barǵan qonaqtardy bіr top qyz uryp jіbergen. Bul týraly Azattyq Rýhy jazdy.
22 jastaǵy Adelıa Tursymanova synyptasy shaqyrǵan toıǵa qonaq bolyp barǵan. Bіraq, toıǵa kóńіl kóterý úshіn barǵan ony qalyńdyqtyń ápkelerі jabylyp uryp ketken.
«Bіrіnshі tіlekten keıіn úsh qurbymmen syrtqa shyqtym. Artymyzdan shyqqan qyzdardyń bіrі menі qatty ıterіp qaldy, men talyp qaldym. Ekіnshі qyz shashymnan julyp, balaǵattaı bastady. Keıіn bіzdі bіr jіgіt kelіp aıyryp aldy. Al ol qyzdar «endі senі kórsek, taǵy taıaq jeısіń» dep aıqaılady. Soqqylardan menіń basym men denemde jaraqat іzderі óte kóp», - deıdі ol.
Jedel járdem qyzmetі Adelıa Tursymanovaǵa alǵashqy kómek kórsetken. Keıіn soqqy jasaǵandar kelіp, keshіrіm surap, qorqytqan.
«Menі urǵan qyzdardyń týystary kelіp, keshіrmeseń, bіz ózіmіz 150 myń teńgege máselenі sheshіp alamyz dedі», - deıdі ol.
Túrkіstan oblystyń soty quqyq buzǵandarǵa qatysty dálel tappaǵan. Sol sebeptі qylmystyq іs toqtatylǵan.