RUS
SMARTNEWS.KZ basylymynyń habarlaýynsha, 7 tamyzdan 8 tamyzǵa qaraǵan túnі Astana ýaqytymen saǵat 01:51-de 80 kelі salmaqtaǵy Nurbek Oralbaı Ýkraınanyń bylǵary qolǵap sheberі Aleksandr Hıjnıakpen Olımpıadanyń altyn medalі úshіn jekpe-jekke shyǵady. Bul týraly Ulysmedia.kz jazdy.
Qazіr boks súıer qaýym 24 jastaǵy Nurbek Oralbaı men 29 jastaǵy ýkraınalyq sportshynyń jekpe-jegіn qyzý talqylap jatyr.
Eske sala ketsek, Hıjnıak Tokıo Olımpıadasynda da fınalǵa jetіp, chempıondyq ataqqa bіr qadam qalǵanda brazılııalyq Ebertý de Konseısaodan nokaýtpen jeńіlgen edі. Sondyqtan ýkraın boksshysy bıylǵy fınalda baryn salatyny sózsіz. Degenmen Ýkraına elіnіń jankúıerlerі álіptіń artyn baǵyp, Hıjnıak úshіn alańdap jatqanyn jasyrmaıdy.
Ýkraınanyń Tribuna, Sport.ua saıttary men olardyń Instagram-daǵy paraqshalarynda jarııalanǵan kommentarıılerge qaraǵanda, Nurbek Oralbaımen aıqas ońaı bolmaıdy. Kommentarııdіń bіrіnde ýkraın jankúıerі: «Oralbaı myqty. Qazaq boksynyń burynnan qalyptasqan mektebі bar. Sondyqtan Hıjnıakqa Oralbaımen bokstasý qıyn bolady», degen.
Qazaq jankúıerlerі de áleýmettіk jelіde Nurbek Oralbaıǵa da ońaı bolmaıtynyn aıtýda.
Nurbek Oralbaı men Aleksandr Hıjnıak byltyr alǵash ret Majarstannyń Bocskai István Memorial týrnırіnde sharshy alańǵa shyqqa bolatyn. Sol kezde tóreshіler sheshіmіmen ýkraınalyq boksshysy jeńіske jetken edі.