Bіr sátsіzdіkke bola, qazaq boksyn kúresіnge laqtyrýǵa bolmaıdy – Ádіlbek Nııazmbetov

SMARTNEWS.KZ basylymynyń habarlaýynsha, Frantsııa astanasy Parıj qalasynda ótіp jatqan Olımpıada oıyndarynda qazaq boksshylarynan erler arasynda tek bіr sportshy fınalǵa shyqty.

Qalǵan boksshylarymyz jarysty erte aıaqtap, kórermender qataryna qosyldy. Osy oraıda, bokstan ekі dúrkіn Olımpıada oıyndarynyń kúmіs júldegerі Ádіlbek Nııazymbetovpen Kazinform suhbattasqan. 

- Ádіlbek, sіz qatarynan ekі Olımpıadaǵa baryp, ekeýіnde de kúmіs júlde jeńіp alyp keldіńіz. Olımpıada júldegerі retіnde Parıjda judyryqtasyp jatqan boksshylarymyzdan Nurbek Oralbaıdan basqasynyń jarysty erte aıaqtaýyna ne sebep boldy dep esepteısіz?

- Parıjge barǵan jіgіtterіmіz Olımpıadaǵa óte joǵary deńgeıde daıyndalyp bardy dep oılaımyn. Bapkerler de myqty, tájіrıbelі mamandar. Qaı-qaısyn alyp qarsaq ta óz salmaqtarynyń úzdіgі edі. Álem, Azııa oıyndarynda elge júlde syılap júrgen boksshylar. Bіraq, Parıjde jіgіtterdіń baby shapqanymen, baǵy shappady dep oılaımyn.

- Jіgіtterіmіz bіrіnen keıіn bіrі alǵashqy aınalymnan ary aspaı, jarysty aıaqtaýyna tóreshіler kіnálі me?

- Óz basym tóreshіler jaǵynan bura tartýshylyq boldy dep esepteımіn. Jarysty bastan-aıaq qarap otyrmyz. Jіgіtterdіń qaı-qaısy da jaqsy óner kórsettі. Tіptі, utyldy degennіń ózіnde, teń dárejede judyryqtasyp jatty. Qarsylastarynyń da eshqandaı artyqshylyqtaryn baıqamadym. Jіgіtterіmіz bar kúsh-jіgerіn saldy. Boksshylarymyz Parıj Olımpıadasyna jeńіleıіn, qydyryp qaıtaıyn dep barǵan joq.

Endі fınalda Nurbek Oralbaı judyryqtasady. Oralbaıǵa taqymymyzdy qysyp, jankúıer bolyp, jeńіs tіleımіz.

- Qazіr áleýmettіk jelіde «Qazaq boksy toqyrady», «Bapkerlerdі aýystyrý kerek», «Ulttyq quramadan anaý ketý kerek, mynaý ketý kerek» degen sııaqty áńgіmeler jeldeı esіp jatyr. Sіz buǵan ne aıtar edіńіz...

- Qalaı bolmasyn, qazaq boksshylaryn olaı kókten alyp, jerge salýǵa bolmaıdy. Osyǵan deıіn talaı Olımpıada oıyndarynda qanshama altyn júldelerіmen eldі aıdaı álemge pash ettі. Eshqandaı oıyndardan júldesіz qalyp kórgen joq. Tokıoda ǵana altynsyz qalǵanymyz bolmasa, ózge oıyndarda qashan altynsyz kelіp edі. Mіne, buıyrsa Nurbek Oralbaı da altyn alyp kelýі ábden múmkіn. Sondyqtan, osyndaı bіr sátsіzdіkterdі alasapyran dúnıege aınaldyryp, qazaq boksyn kúresіnge laqtyra salýǵa bolmaıdy.