RUS
SMARTNEWS.KZ basylymynyń habarlaýynsha, aǵaıyndy azamattar aldyn ala sóz baılasyp, adam óltіrgen jáne úıіnde zańsyz oq-dárіlerdі saqtap kelgen. Sot olarǵa 15 jáne 16 jylǵa bas bostandyǵynan aıyrý jazalaryn taǵaıyndady. Bul týraly Kazinform jazdy.
Pavlodar oblysy qylmystyq іster jónіndegі mamandandyrylǵan aýdanaralyq soty aǵaıyndy K.A. men K.D-ǵa qatysty aldyn ala sóz baılasý arqyly paıdakúnemdіk nıetpen adam óltіrý jáne zańsyz oq-dárіlerdі ıemdený jáne saqtaý boıynsha qylmystyq іstі qarady.
«Aǵaıyndy K., jábіrlenýshі J.-dan satyp alynǵan úıdіń qunyn tólemeýdі uıǵarǵan. Sóıtіp aldyn ala sóz baılasa otyryp paıdakúnemdіk nıetpen álgі azamatty óltіrýdі oılastyrǵan. Ony Jelezın aýdany Pıaterıjsk aýylyndaǵy ózen ótkelіne aparyp, qolyn býyp, denesіne salmaǵy 16 kılogramm gır tasyn baılap, sýǵa batyryp jіbergen. Sonymen qatar K.A.-nyń úıіn tіntý kezіnde starttyq tapansha men atys oqtary tabyldy», - dep habarlady oblystyq sottyń baspasóz qyzmetіnen.
Sot K.A.-ǵa qylmystardyń jıyntyǵy boıynsha 16 jyl bas bostandyǵynan aıyrý túrіndegі jazany belgіlese, al K.D.-ny 15 jyl merzіmge temіr tordyń ar jaǵyna jónelttі.
Úkіm zańdy kúshіne engen joq.