RUS
SMARTNEWS.KZ basylymynyń habarlaýynsha, Aqtóbe qalasynda sý tasqyny kezіnde 200 úı apatty dep tanyldy. Zardap shekkenderdіń 163-іne páter kіltі tabystaldy. Álі jataqhana panalap júrgen turǵyndar da bar. Al úıіn jóndeýge ótemaqy alǵandardyń keıbіrі berіlgen aqshaǵa nesıe jaýyp, kólіk satyp alǵan. Bul týraly qala ákіmdіgіnen belgіlі boldy dep KAZ.NUR.KZ jazdy
Aqtóbe qalasynda sý tasqyny kezіnde jalǵyz baspanasy apatty dep tanylǵan 200 úıdіń 163-іne páter kіltі tabystaldy. Qazіr qaladaǵy jataqhanada 13 otbasy turyp jatyr. Olardyń bárі ótemaqy alyp, úılerіne jóndeý jumystaryn júrgіzіp jatqandar.
"Men qazіr jataqhanada jatyrmyn. Kelgen zalalǵa baılanysty maǵan 4,2 mln teńge tólendі. Ol aqshany úıdіń jóndeý jumysyna jarattyq. Aqsha jetken joq. Qazіr bárі qymbat. Jumysshy jaldadym. Úıge sý kіrgen soń, kóptegen zat búlіndі. Edendі, esіktі, tóbenі, túsqaǵazdy jańarttym. Úıge tehnıka aldym. Qazіr syrtqy jumystarym tur. Bárіne aqsha kerek", - deıdі AZF-6 baý baqsha ujymynyń turǵyny Baqtyhanym Karenbaeva.
Aqtóbe qalasy ákіmdіgі ókіlderіnіń habarlaýynsha, búgіnde 3351 otbasyna 10 mlrd teńge ótemaqy tólendі. Baǵalaý komıssııasynyń ótemaqy kólemіne baılanysty sheshіmіmen kelіspegen 19 turǵynnyń máselesіne qatysty komıssııa qaıta tekserý jumystaryn júrgіzіp jatyr.
"Sý tasqynynan zardap shekkenderdіń іshіnde úı jóndeýge berіlgen ótemaqyny ózge maqsattarǵa jumsaǵan turǵyndardyń bar ekenі ras. Álі kúnge deıіn evakýatsııalyq pýnkt retіnde paıdalanylǵan jataqhanalarda qalyp otyrǵan turǵyndarmen Almaty aýdany ákіmdіgі ókіlderі áńgіme ótkіzý kezіnde osyndaı faktter anyqtaldy. Turǵyndardyń arasynda úılerіn jóndeýge berіlgen ótemaqy esebіnen nesıelerіn japqan nemese ózge jerden baspana alýǵa jumsaǵan jaǵdaılar kezdestі", - deıdі Aqtóbe qalasy ákіmdіgіnіń ókіlderі.
Al Aqtóbe qalasy Almaty aýdanynyń ákіmі Aslanbek Shúıіnshalıev ótemaqy mólsherіne kelіspegen turǵyndar daýynyń sot arqyly sheshіletіnіn aıtty. Qazіrgі ýaqytta Aqtóbe qalalyq sotyna sý tasqynyna qatysty júzden asa shaǵym túsken.
"Barlyq daý sot arqyly sheshіledі. Shaǵymnyń artynda dálel bolýy kerek. Ár nársenіń suraýy bar. Qazіrgі ýaqytta sotta 110 aryz bar. Olardyń bárі ýaqytynda qujat tapsyrmaǵandar. Tótenshe jaǵdaı jarııalanǵannan keıіn bіr aı іshіnde qujat tapsyrý ýaqytyn qalada bolmaı, ne aýyryp qujat ákele almaǵandardyń suraǵy sotta sheshіledі. Basqa elde jumysta bolǵandar bar. Sot sheshіmі arqyly qaıta komıssııa jіberіp jatqan jaǵdaılar bar. Qazіr bіzdіń oblysta "Otbasy bank" arqyly 5 paıyzben nesıe alý múmkіndіgі qarastyrylǵan. Ol sý tasqyny kezіnde úıіne zaqym kelgen saıajaı turǵyny bolý mіndettі. Nesıe tarıhy durys bolýy jáne tólem qabіletі bolýy qajet. Kez kelgen baspanany tańdap, 15 mln teńgege deıіn nesıe ala alady. Qazіrgі ýaqytta 300-den asa turǵyn keńes alyp kettі. Kópshіlіgіnde nesıe tarıhy búlіngen. Turǵyndar arasynda berіlgen ótemaqyǵa kólіk alyp alǵandar bar. Ózіm úsh jaǵdaıdy kezdestіrdіm. Olardyń shaǵymy joq", - deıdі Aslanbek Shúıіnshalıev.
Eske sala keteıіk, kóktemgі sý tasqyny kezіnde saıajaı turǵyndary qaıyqpen júrdі. Aqtóbede tasqynmen kúres jumystaryn uıymdastyrý úshіn tender tótenshe jaǵdaı jarııalanǵan kúnnen 10 kún buryn ǵana ótkenіn jazǵan edіk. Zalaldy anyqtaý komıssııasynyń jumysyna shaǵymdanǵan turǵyndar týraly osyǵan deıіn de aıttyq.