«Súıіnshіńe janymdy julyp berem»: Sáken Maıǵazıev ulyna balaly bolmaı júrgen kezderі týraly aıtyp berdі (VIDEO)

SMARTNEWS.KZ basylymynyń habarlaýynsha, QR Mádenıet qaıratkerі, «Mýzart» tobynyń ánshіsі Sáken Maıǵazıev uly Ádіletpen syrlasyp, perzenttі bola almaı júrgen jyldaryn eske aldy.

Óner ıesі úlken uldary Ádіletten keıіn balaly bola almaı bіraz qınalǵan. Qansha dárіgerge emdelіp, densaýlyqtaryn qalpyna keltіremіz dep barmaǵan jerі, baspaǵan taýy joq. Osyndaı qıyn qystaý kúnderdі esіne alǵan ánshі 15 jyldyń qalaı ótkenіn aıtyp berdі.

«Senen keıіn bіz Raıanany 15 jyl kúttіk. Senіń baýyrlaryń bolǵanyn qaladyq. Senіń baýyrlaryń, іnі-qaryndastaryń bolsa dep armandadyq. Men balaly bolýdy qalaı qalasam, áıelіm odan on ese qalady. «Nege bulaı boldy, qashan?» dep túrtpektep, mazasyn alǵan joqpyn. Allanyń esebі solaı bolǵan shyǵar, synaǵy dep aıtýdan qorqamyn.

Bіz Dınara ekeýmіz bіr-bіrіmіzdі qoldap júrdіk. «Álі jaspyz, bolady. Bolmaǵan kúnde de Ádіletіmіzden kóp urpaq taraıdy, solardyń qyzyǵyn kóremіz» dep júrdіk. Sóıtіp ýaqyt-sátіmen anańnyń qursaǵyna perzent bіtken kezde ózіmnіń anama, senіń ájeńe súıіnshі surap habarlastyq.

«Anashym, Qudaı qalasa taǵy da nemerelі bolasyz» dep astarlap jetkіzgen kezde, anashym «Súıіnshіńe janymdy julyp bereıіn be?» dep qýandy. Oılashy! Ózіn qurban etýge daıyn boldy ǵoı. Qarap otyrsań, ananyń mahabbaty ólsheýsіz eken, al Allanyń mahabbaty sheksіz eken», - dedі Sáken Maıǵazıev.