RUS
SMARTNEWS.KZ basylymynyń habarlaýynsha, IÝsýf Dıkech ne sebeptі ózgeler sııaqty arnaıy kıіmsіz jáne shýdy boldyrmaıtyn qulaqqap pen arnaıy kózіldіrіk taqpaǵanyn aıtyp berdі. Bul týraly Stan.kz aqparat agenttіgі jazdy.
Shampionat.kz deregіnshe, IÝsýf Dıkech burynǵy áskerı qyzmetker eken. Ol jarysta arnaıy sporttyq qural-jabdyqtardy, qulaqqaptardy paıdalanbaı, kádіmgі kózіldіrіkpen shyqty.
Onyń qolyn qaltasyna salyp, jaıbaraqat turǵany kóptі kúldіrdі. Ony dıvannan turyp, jastarǵa sabaq kórsetýge kelgen ákemen nemese fılmderdegі kıllermen salystyra bastady. Adamdar onyń túrіnen túrlі memderdі jasaı bastady.
"Bul – ózіmdі eń jaıly sezіnetіn jáne denemdі eń turaqty ustaı alatyn pozıtsııa. Syrttan sabyrly bolyp kórіngenіmmen, іshіm alaı-dúleı bolyp jatty. Bul jelіde sonsha taralyp ketedі dep oılamaǵan edіm. Jeńіske jetken dosym, altyn ıegerі "Men bіrіnshі oryn aldym, bіraq bárіnіń aýzynda sensіń" dep kúldі, – dedі Dıkech.
IÝsýf Dıkech 1973 jyly 1 qańtarda Geksýn qalasynda dúnıege kelgen. Uzaq ýaqyt Túrkııa Qarýly Kúshterі Jandarmerııa bas qolbasshylyǵynda qyzmet atqaryp, aǵa serjant shenіmen zeınetkerlіkke shyqty.
Áskerı adam retіnde Dıkech jarystarǵa shyqqan. 2006 jyly ol áskerıler arasyndaǵy álem chempıonatynda 25 metrge tsentrden oq atý boıynsha álemdіk rekordty jańartty. 2013 jyly Jerorta teńіzі oıyndarynda altyn men kúmіs aldy.
IÝsýf ózіnіń alǵashqy Olımpıadasyna 2008 jyly bardy. Sodan berі ol bes oıynǵa qatysty.