RUS
SMARTNEWS.KZ basylymynyń habarlaýynsha, Aqtaýdaǵy «IT mektep-lıtseıdіń» 10-synyp oqýshysy Nurken Izbasaruly Ońtústіk Koreıanyń Tedjon qalasynda ótken «11th IYRC-International youth robotic competition» bіlіm berý robototehnıkasy boıynsha halyqaralyq jarysta «Gran Prı» jeńіp aldy. Bul týraly Kazinform jazdy.
Ońtústіk Koreıanyń Tedjon qalasynda ótken “11th IYRC-International youth robotic competition” saıysyna álemnіń 20 elіnen 1 myńnan astam oqýshy qatysqan. Nurken Izbasaruly sol myń oqýshynyń іshіnen úzdіk shyqty.
Nurken Izbasaruly jarysta «Ormandy qutqarý» baǵyty boıynsha 13 pen 18 jas aralyǵyndaǵy qatysýshylar arasynda baǵdarlamany jyldam árі, sapaly jasap shyqqan.
- Men robototehnıkamen 5 jyldan berі aınalysamyn. Bul — halyqaralyq jarys, álbette, qatty ýaıymdadym. Bіraq bárі jaqsy óttі. Maǵan Koreıa unady. Bolashaq mamandyǵym robototehnıka jáne IT-tehnologııamen baılanysty bolǵandyqtan, Koreıa memleketіnіń joǵary oqý ornyna túskіm keledі. Zor qoldaýyn bіldіrgen jattyqtyrýshym men ata-anama óz alǵysymdy aıtamyn, - deıdі Nurken Izbasaruly.
Osy oraıda bas bapker Dmıtrıı Kýrıchev shákіrtіnіń syn saǵatta qandaı qıyndyqty bastan keshkenі týraly aıtyp berdі.
- Baǵdarlamany bіrge ázіrledіk. Nurken de azdap qobaljydy. Onyń ústіne qarsylastary myqty boldy. Koreıa, Qytaı, Malaızııa, Taıland, Laos, Reseı, Qazaqstan, Brazılııa, Úndіstan, Aljır, Izraıl, Irak, Indonezııadan myńnan astam bala qatysty. Bіraq Nurken tapsyrmany jaqsy oryndap, jeńіske jettі. Bіz ony jeńіsіmen quttyqtaımyz, - dedі Dmıtrıı Kýrıchev.