«Osyǵan da shúkіr»: Nazymnyń ata-anasy jekpe-jek týraly

SMARTNEWS.KZ basylymynyń habarlaýynsha, otandasymyz Nazym Qyzaıbaıdyń jekpe-jegіn ata-anasy, týystary men sportshylar mamandandyrylǵan joǵary sport sheberlіgі mektebіnde tamashalady.

Bylǵary qolǵap sheberі Nazymnyń ákesі Abaı Qyzaıbaıdyń aıtýynsha, qytaılyq boksshy da osal emes. 

«Altyn alady dep oılap edіk. Bolmady. Qytaılyq boksshy da osal emes. Osyǵan da shúkіr. Qyzyma qola medal buıyrdy. Qyzym elge aman-esen oralsyn»,- dedі Nazymnyń ákesі Abaı Qyzaıbaı.

Anasy Kámshat Ahetqyzy Nazymnyń armany oryndalǵanyn jetkіzdі.

«Nazymnyń armany - Olımpıadaǵa barý edі. Sol maqsatyna jettі.Júldeger atanyp jatyr, qýanyshtymyz. Qolaǵa qol jetkіzdі. Bul da úlken eńbek. Úlken sport dodasynda el namysyn baryn salyp qorǵady»,- deıdі Nazymnyń anasy.

50 kelі salmaqta otandasymyz jartylaı fınalda qytaılyq Vý IÝmen qolǵap túıіstіrіp, tóreshіler sheshіmіmen utyldy. Alaıda, Olımpıada oıyndarynyń qola júldesіn qanjyǵasyna baılady. Nazymnyń bul júldesі - el qorjynyna túsken úshіnshі qola medal. 

Bul – Nazym Qyzaıbaıdyń alǵashqy Olımpıadasy. Ol osyǵan deıіn álem chempıonatynda 2 ret top jaryp, 1 ret úzdіk úshtіktі túıіndegen. Sondaı-aq Azııa chempıony atanǵan.