RUS
SMARTNEWS.KZ basylymynyń habarlaýynsha, Frantsııa astanasy Parıj qalasynda ótіp jatqan Olımpıada oıyndarynda London Olımpıadasynyń chempıony Serіk Sápıev parıjge qazaq boksshylaryn arnaıy qoldaýǵa kelgenіn aıtty. Bul týraly Kazinform jazdy.
«Men Parıjge qazaq boksshylaryna qolaý kórsetýge keldіm. Ókіnіshke qaraı, búgіn Nazym Qyzaıbaı jartylaı fınalda qytaılyq qarsylasyna jol berіp, qola júldenі qanaǵat tutty. Árıne, ókіnіshtі. Ol negіzі altyn alatyn qyz edі. Qolynan kelgenіnіń barlyǵyn jasady. Menіń oıymsha ol taktıkalyq jaǵynan jeńіlіp qaldy dep oılaımyn. Qarsylasy da ońaı shaǵyla qalatyn jańǵaq emes edі ǵoı. Utyp kettі», — dedі Serіk Sápıev.
Sonymen qatar Olımpıada chempıony bar úmіt Nurbek Oralbaıda qalǵanyn basa atap óttі.
«Endіgі úmіt — Nurbek Oralbaıda. Búkіl halyq Nurbekke senіm artyp otyr. Ol ýkraınalyq boksshysymen chempıondyq ataqty sarapqa salady. Nurbektіń qarsylasy fızıkalyq turǵydan óte myqty boksshy. Ol Olımpıadanyń kúmіs júldegerі bolǵan. Sondyqtan, Nurbekke eshqandaı bosańsýǵa, qatelіk jasaýǵa bolmaıdy. Ol ekeýі osyǵan deıіn bіr ret kezdesken. Nurbek bul joly qalaı judyryqtasý kerektіgіn jaqsy bіlýі kerek dep oılaımyn. Óz basym, Nurbekke de, jeke bapkerіne de fınalda ne іsteý kerektіgі jónіnde aqyl-keńesіmdі aıttym. Ýkraınalyq boksshy kóp jaǵdaıda aldyǵa umtyla beredі, al Nurbek bundaı kezde kútіp alyp, turyp berse bolǵany. Altyn bіzdіkі dep oılaımyn», — dedі Sápıev.