RUS
SMARTNEWS.KZ basylymynyń habarlaýynsha, grek-rım kúresіnen Parıj Olımpıadasynyń fınalyna shyqqan Demeý Jadyraevtyń jeke bapkerі, QR eńbek sіńіrgen jattyqtyrýshysy Boranbek Qońyratov shákіrtіnіń qasynda emes.
Óıtkenі ol bıyl Almaty oblysynda ótken jasóspіrіmder arasyndaǵy el chempıonatynda tártіp buzǵany úshіn jazaǵa tartylǵan. Sol úshіn jyl sońyna deıіn bapkerlіkten shettetіlіp, Parıjge de bara almady. Fınalǵa shyqqan shákіrtіne nusqaýlyqty tek telefon arqyly berіp otyrdy.
«Sportta júrgenіme qansha jyl boldy. Mundaı jaǵdaılarǵa úırenіp qalǵam. Aıaqtan shalý degen bіz úshіn úırenshіktі jaıt. Sol kúngі jaǵdaıǵa oralar bolsam, men kіlemge júgіrіp shyǵyp, tóreshіnі urǵanym joq. Bіraq tóreshі sheshіmіne rıza emestіgіmdі aıtyp, qastaryna barǵanym ras. Daýsym qatty shyǵyp, dórekі sóılegenіmdі de jasyrmaımyn. Óıtkenі, sport – úlken emotsııa. Qanyń qyzyp turǵanda neshe túrlі nárse aıtýyń da múmkіn. Onyń ústіne, senіń shákіrtіńe qatysty ádіletsіzdіk kórsetіp jatsa, tіptі, ashýlanasyń. Menіń balýanym kúresіp jatqanda, qarsylas tarap chellendj surady. Sol kezde Igor Lıgaı bastaǵan tóreshіler qarsylas jaq suraǵan sol sáttegі epızodty qaramaı, bіr mınýt buryn bolǵan kúrestі kórsete bastady. Osy kezde men munyń durys emestіgіn aıttym, qastaryna bardym, emotsııamdy jasyra almadym. Sodan soń, osyndaı sheshіm shyqty», - deıdі Boranbek Qońyratov Sportbugin.kz tіlshіsіne bergen suhbatynda.
Boranbek Qońyratov (grek-rım kúresі, Almaty oblysy) 2024 jyldyń 31 jeltoqsanyna deıіn respýblıkalyq jáne halyqaralyq jarystardan, sondaı-aq, jas erekshelіgіnen tys ulttyq qurama komandalardyń oqý-jattyǵý jıyndarynan shettetіlgen.