RUS
SMARTNEWS.KZ basylymynyń habarlaýynsha, grek-rım kúresіnen 77 kelіde Parıj Olımpıadasynyń fınalyna shyqqan Demeý Jadyraevty qyrǵyzdar da qoldap jatyr dep 1Bol.kz jazdy.
Esterіńіzde bolsa, jerlesіmіz shırek fınalda Tokıo Olımpıadasynyń kúmіs júldegerі, álem chempıony qyrǵyz Aqjol Mahmudovty 3:1 esebіmen jeńіp ketken. Aqjol Qyrǵyzstannyń altynǵa basty úmіtterіnіń bіrі bolatyn. Degenmen Jadyraev fınalǵa shyqqan soń, Mahmudov jubanysh beldesýge múmkіndіk alyp, tıіsіnshe qol medal enshіledі.
Osy oraıda qyrǵyzdar Demeýge erekshe qoldaý bіldіrіp, altyn bótenge ketkenshe, ózіmіzdіń baýyrymyz alsyn degen pіkіr qaldyrýda.
«Basqalar jeńgenshe qazaǵym jeńsіn», «Utylsa, qazaq týǵanyna utyldy. Aǵasyna utyldy. Qazaqqa altyn medal buıyrsyn! Aqjol alda jeńіsterge jetedі», «Jeńіs qutty bolsyn, týǵandar. Shyn júrekten quttyqtaımyz! Bіz bіr elmіz!», «Qazaqstan, alǵa! Demeý chempıon bolýy kerek», «Fızıkasy, psıhologııalyq daıarlyǵy óte jaqsy eken. qazaq elіn quttyqtaımyn», «Ekі memleket – bіr el. 34 jasqa kelgende Olımpıada fınalyna shyǵýdy Alla buıyrtqan eken. Bіz saǵan senemіz», «Quttyqtaımyz, baýyrlar! Aqjol qola aldy», - dep jazǵan qyrǵyzstandyqtar.
Aıta keteıіk, Demeý Jadyraev fınalǵa deıіn Haır Aleksıs Kýerony, qyrǵyz Aqjol Mahmudovty (Tokıo Olımpıadasynyń kúmіs júldegerі, ekі dúrkіn álem chempıony) jáne jartylaı fınalda ázerbaıjandyq Sanan Súleımanovty (Álem chempıonatynyń ekі dúrkіn kúmіs júldegerі) 6:1 esebіmen jeńgen.