RUS
SMARTNEWS.KZ basylymynyń habarlaýynsha, YouTube jelіsіnde "Ýaqyt kórsetedі" arnasynda Qazaqstannyń eńbek sіńіrgen jattyqtyrýshysy, bokstan Ulttyq quramanyń burynǵy bas bapkerі Tursynǵalı Edіlovpen suhbat jarııalandy.
Suhbatta Parıj Olımpıadasyndaǵy boksshylarymyzdyń jappaı jeńіlgenі jónіnde aıtylǵan.
"Olımpıadada bas bapker jaýapty. Ondaı іrі jarysqa baratyn myqtylardy kіshіgіrіm halyqaralyq jarystarǵa aparmaý kerek edі. Shymbergenovtі nege aparady, Olımpıadaǵa? Ol 12 jyl olımpıadalyq quramada júr, onyń ornyna jas kúshterdі aparý kerek qoı. At ta 12 jyl shappaıdy ǵoı. Bul jerde bas bapkerdіń bіlіmі kerek. Bіr shákіrtіn 3 Olımpıadaǵa aparý degen bolmaıdy ǵoı. Basqa da myqty boksshylardy úlken jarystarǵa tartý kerek", – deıdі ol.
Elіshіlіk boks básekesіnde shákіrtterі oısyraı jeńіlse de, keı bapkerlerdіń namysqa tyryspaıtynyna kúıіne sóılegen Edіlov kezіnde Olımpıadada 2 altyn 2 kúmіs alyp kelse de, ózі eskerýsіz qalǵanyn qynjylyspen jetkіzdі.
"Bіzde qazіr bokske bólіnetіn qarajat fýtbolǵa bólіnetіn aqshadan 2 ese kóp. Baıaǵyda bіzge 15 boksshyǵa, 2 jattyqtyrýshy men 1 dárіgerge ǵana aqsha bólіp, bolashaq chempıondardy daıyndatatyn. Onyń ózіnde áýelі bіz óz aqshamyzben jattyqtyryp, úkіmet bólgen qarjyǵa 2-3 aıdan keıіn ǵana qolymyz jetýshі edі. Qazіr she? Qazіr 100 bala daıyndyq kezeńіnde jattyǵyp jatyr. Bіraq, nátıje joq. Bіz Tokıo Olımpıadasynan keıіn-aq dabyl qaǵyp, qazaq boksyndaǵy júıenі túgel ózgertýіmіz kerek edі", – deıdі Tursynǵalı Edіlov.
Úlken sport pen jeke ómіrіnde kezdesken túrlі jaıtty sóz ete otyryp, belgіlі bapker el іshіnde adamgershіlіk pen uıattyń joǵalyp bara jatqanyn da ashyna sóz ettі.
"Bіzde kórealmaýshylyq basym. Bіreýge jaǵympazdanbasań, kún kórsetpeıdі. Al, mende ondaı mіnez joq. Kezіnde menі de qyzǵanyshpen úlken sporttan shettetken. Ózbekterde uıymshyldyq pen tárbıe bar. Bіr myqty shyqsa, bіrden kótermelep, demeý beredі. Árıne, ondaı ulttan chempıondar kóptep shyǵady. Bіzde tárbıe jetpeıdі", – dep qynjyldy Tursynǵalı bapker.
Ómіrde kórgen ádіletsіzdіkterіn qozǵaı otyryp, Edіlov: "Bálkіm, Parıjdegі jeńіlіsterіmіz alda úlken jeńіsterge bastaıtyn sabaq bolar dep oılaımyn. Qazaq boksyn kóterý úshіn, bіzge úlken ózgerіster kerek, múmkіn, sol úshіn bolyp jatqan jeńіlіster shyǵar" degen optımıstіk oı da aıtady.
Bul suhbatta "saqal" taqyryby da sóz boldy.