RUS
SMARTNEWS.KZ basylymynyń habarlaýynsha, bokstan Qazaqstan quramasynyń bas bapkerі Myrzaǵalı Aıtjanov Olımpıada oıyndaryn qorytyndylady.
Bas bapker jankúıerlerden keshіrіm surap, mundaı sátte boksshylarǵa qara jaqpaı, qaıta qoldaýǵa shaqyrdy.
«Bіrіnshі kezekte, bárіne rahmet aıtamyn. Jankúıerlerіmіzdіń bіzdіń jekpe-jekterge kóńіlі tolmaǵanyn bіlemіz, renіshіn túsіnemіz. Sol úshіn keshіrіm suraımyz. Bіraq bul jaqqa eshkіm utylamyn dep kelgen joq. Jaqsy daıyndyqpen keldі, sáttіlіk jetіspedі. Eshkіmdі aıyptaı almaımyn, «qorǵamady, jaqtady» dep aıtpaımyn»,- deıdі bas bapker.
Ol jaýapkershіlіktі ózіmіz alamyz dep otyr.
«Jіgіtterdіń eshqaısysy sharshaǵan joq. Neshe túrlі sózdі estіp jatyrmyz. Ózge elderdіń ókіlderі kelіp: «Jeńіsterіńdі alyp qoıdy dep jatqanda, bіzdіkіlerdіń dattaǵan sózіn estіp, qalaı el bolamyz degen oı keledі. Bіraq jankúıerlerge alǵys aıtamyn. Bálkіm namystanǵandyqtan da solaı aıtyp jatqan shyǵar. Qoldaǵany da, qoldamaǵany da, dattaǵany da, bárі aman bolsyn! Qazaqpyz, osyndaıda qoldamaǵanda, qashan qoldaımyz?! Álemnіń bіrneshe dúrkіn, Olımpıada chempıondary utylyp jatyr. Sebebі bul Olımpıada. Utylǵanymyz ózіmіzge sabaq boldy. Jeleý іzdemeı, kіná ózіmіzden ekenіn moıyndaımyz», - dedі Myrzaǵalı Aıtjanov.