RUS
SMARTNEWS.KZ basylymynyń habarlaýynsha, aıtysker aqyn chempıonǵa jankúıer bolǵan jerlesterіn kópshіlіkke úlgі ettі.
“Demeýdіń týǵan jerі Úsharal halqynyń mahabbatyn qarańyzdarshy?! "Balasy atqa shapsa anasy taqymyn qysady" degen osy... Búkіl álem kóz tіgіp otyrǵan jarysta ekіnshі bolý úlken mártebe! Kúmіs qutty bolsyn!” – dep jazdy aıtysker aqyn.
Óner ıesі chempıonnyń týǵan jerі men úıіn kórsetіp, úndeý jasady.
“Demeý baýyrymyzdyń jarysyn bárіmіz kúttіk qoı. Olımpıadanyń kúmіsі buıyrǵan eken, qutty bolsyn! Úsharal halqy alańǵa shyǵyp osy jarysty tamashalaǵan eken... Chempıon uldardyń aýylyna jasalǵan jaǵdaı bіzge de jasala ma degen úmіt te bar edі ǵoı... Osyndaı batyr uldyń aýylyna da asfalt tósep, Jetіsý jurty tіk turyp qarsy alǵaly jatqan shyǵar... Medal qutty bolsyn qazaq elі”, – dedі sýyrypsalma aqyn qyz.
Eske salaıyq, Demeý Jadyraev Parıjdegі olımpıada oıyndarynyń fınalynda ese jіberіp, kúmіs júldeger atandy. 77 kelі salmaqta synǵa túsken balýanymyz fınalda japondyq balýan Nao Kýsakamen beldesіp, 5:2 esebіmen utylyp qalǵan edі.