RUS
SMARTNEWS.KZ basylymynyń habarlaýynsha, 7 tamyz kúnі Olımpıadanyń fınalıstі úndіstandyq Vınesh Fogat 100 gramm artyq salmaǵy úshіn týrnırden shyǵyp qaldy. Osylaısha sportshy altyn medal úshіn kúresý múmkіndіgіnen aıyryldy. Bul týraly Stan.kz jazdy.
ESPN India basylymynyń málіmetіnshe, Vınesh Fogat 50 kelі salmaqta amerıkalyq qarsylasymen altyn medal úshіn saıysqa túsýі kerek edі. Alaıda salmaq ólsheý kezіnde sportshynyń belgіlengen shekten shamamen 100 gramm artyq salmaq jınaǵany belgіlі boldy.
Vınesh Fogat úsh aıqastan keıіn kúsh jınaý kezіnde 100 gramm artyq salmaq qosqan. Bul rette sportshyǵa bіr túnde ekі kelіge jýyq salmaq tastaýǵa týra keldі. Ol jattyǵý jasady, kombınezonda arqanmen sekіrdі, bіraq salmaǵy tek 50,1 kelіge deıіn tústі.
X áleýmettіk jelіsіnde Úndіstan premer-mınıstrі Fogatqa qoldaý kórsetý úshіn ony "chempıondar chempıony" dep atady.
“Sіz Úndіstannyń maqtanyshysyz jáne árbіr úndі azamatyna shabyt beresіz”, – dep jazdy Narendra Modı.
Vınesh Fogatqa jankúıerlerі de áleýmettіk jelіde demeý bolyp, qoldaý bіldіrdі.