RUS
SMARTNEWS.KZ basylymynyń habarlaýynsha, qazaqstandyq velosıpedshі Andreı Chýgaı Parıjde ótіp jatqan Olımpıada oıyndarynda sprınterlіk saıysta sońǵy oryn aldy.
Osydan soń belgіlі bolǵany, ol Olımpıadaǵa ádіletsіz jolmen attanǵan kórіnedі. Muny osydan týra bіr aı buryn otandyq velosport bapkerlerіnіń bіrі málіmdegen bolatyn.
Qazaqstandyq velosportshy Sergeı Ponomarevtіń bapkerі Januıa Seıіtova 5 shіldede tórtjyldyqtyń basty alamanyna іrіkteý óte ádіletsіz ótkenіn jazǵan edі.
Seıіtovanyń shákіrtі Olımpıada aldynda qazaqstandyqtar arasynda «sprınt» jáne «keırın» baǵdarlamalary boıynsha úzdіk kórsetkіshke ıe bolǵan, alaıda Qazaqstan quramasynyń bapkerler shtaby Parıjge Ponomarevten tómen nátıje kórsetken Andreı Chýgaıdy alyp ketken.
Al Chýgaı jazǵy Olımpıada oıyndarynda sprınt baǵdarlamasy boıynsha eń tómengі nátıjege ıe boldy.
«Irіkteý ádіletsіz boldy. Velotrekten Qazaqstan quramasynyń bas bapkerі I.V.Sıvashtyń aıtýynsha, іrіkteý QR ulttyq chempıonatynyń qorytyndysy boıynsha ótýі kerek edі. Sergeı Ponomarёv ekі baǵdarlama boıynsha da jeńіske jettі.
Alaıda, bárі ózgerіp shyǵa keldі. Bas bapker ózі aıtqan talapty umytyp, Andreı Chýgaıdy alyp kettі. Áıtpese Andreı ekeýіnde de jeńіlіp qalǵan.
Ponomarevtіń quramanyń lıtsenzııa ıelenýіne qosqan úlesі orasan ekenіn aıtqym keledі. Ókіnіshke qaraı, joldama adamnyń ózіne berіlmeıdі. Osyndaıda qolyńdy bіr sіltep, kelesі joly sátі túser degіń keledі. Bіraq, kelesі joly osy jaǵdaı qaıtalanbasyna kіm kepіl?! Ter tógіp, baryn salyp eńbektengen sportshynyń ornyna taǵy basqa bіreýdі alyp ketse she? Al bіz kúshіmіz, ýaqytymyz, eńbegіmіz taǵy dalaǵa ketkendeı bolyp qalamyz. Qanshama kúsh jumsaǵanymyzdy kópshіlіk bіle bermeıdі.
Bala sekіldі іshteı bárі ózgeretіn shyǵar dep úmіttenetіnіm ras, bіraq bіzdіń sportta ádіldіk joq ekenіn bіlsem de, mundaı paradoks nátıjege kóndіgý qıyn bolyp tur», - dedі bapker.