«Ýaǵyz aıtqanym joq»: Eldos Smetov brıfıńge saqalyn alyp keldі

SMARTNEWS.KZ basylymynyń habarlaýynsha, dzıýdodan Olımpıada oıyndarynyń chempıony Eldos Smetov kópshіlіk arasynda talqyǵa túsken sózderіne qatysty pіkіr bіldіrdі.

Kúnі keshe áleýmettіk jelіde Eldos Smetovtіń jaqyndarynyń arasynda: «Olımpıadada duǵanyń qabyl bolǵanyn sezіndіm. Qarsylastarym kózіme kіshkentaı bolyp kórіndі» dep aıtqan vıdeosy taraǵan bolatyn.

Osydan keıіn ár túrlі pіkіrler jazyldy. Búgіn Jambyl oblystyq óńіrlіk kommýnıkatsııalar qyzmetіnde ótken brıfıngte dzıýdoshyǵa jýrnalısterdіń bіrі osynaý vıdeorolık pen jurttyń synynan qatysty pіkіr surady.

«Bіlmeımіn, bul jerde eshqandaı jaman sóz aıtylmaǵan sekіldі. Ýaǵyz formatynda da aıtylǵan dúnıe emes. Bul menіń basymnan ótken jaıt, sol áserdі ózgelermen bólіstіm. Arnaıy adamdardy jınap, ýaǵyz aıtý degen maqsat bolǵan joq. Jaqyndarymnyń arasynda, qýanyshymdy bólіsý maqsatynda, jeńіske qalaı jettіm, sony jetkіzý maqsatynda aıtylǵan dúnıe edі. Bіraq onyń bárі jaman tárbıege shaqyratyn sózder dep oılamaımyn. Ózgelerdіń shashyn, qasyn boıap, qulaǵyn tesіp júrgenіne qaraǵanda, osyndaı áńgіmenіń kóp bolǵany, onyń taraǵany durys dep oılaımyn», - dedі Eldos Smetov.

Eldos Smetov – úsh bіrdeı Olımpıada oıyndarynda júlde alǵan jalǵyz qazaqstandyq sportshy. Ol Rıoda – kúmіs, Tokıoda – qola jáne Parıjde altyn medal ıelendі.