RUS
SMARTNEWS.KZ basylymynyń habarlaýynsha, áleýmettіk jelіde ıntım gımnastıkamen aınalysyp, qynapty taryltatyn jattyǵý іstep jatqan áıelderdіń vıdeosy synǵa ushyrady. Osy másele tóńіregіnde Stan.kz tіlshіsі sala mamandary men qoǵamǵa tanymal azamattardyń pіkіrіn surap kórdі.
Qoǵamnyń qyzý talqysyna túsken daýly vıdeo ıntım trener, sertıfıkattalǵan seksolog Qasymjanova Merýerttіń kezektі offlaın sabaǵynan úzіndі eken. Búgіnde 20 myń qyz-kelіnshektіń alǵysyn arqalap otyrǵan maman, áıelder densaýlyǵy men gıgıenalyq máselelerіne kóńіl aýdarmasa, qaterlі іsіktіń sany artady dep alańdaıdy.
“Jalpy ıntım gımnastıka óte keńіnen taralyp jatyr. Óıtkenі bul – áıelderdіń janaıqaıy. Osyǵan deıіn іshіmіzde saqtap, kіmnen keńes surarymyzdy bіlmedіk. Endі ǵana damyp jatqan sala. Jyl ótken saıyn áıel adamnyń terіsі salbyrap, bulshyq etterі bosaı bastaıdy. Ol áıeldіń gınekologııalyq jaǵyna da áser etedі. Qynap tómen túsіp ketedі. Zár ustaı almaý, jıі jel jіberіp qoıý sekіldі syrqattarǵa dýshar bolady. Maǵan keletіn áıelder tek 4-5 bala týǵan emes, bala kótere almasa da, qynabynan máselesі bar qyz-kelіnshekter de bar. Bala kótermegen áıeldіń tómengі jaǵy durys dep oılaý qate. Qarapaıym Kegel jattyǵýyn bіlmeıtіn qanshama áıel bar?! Keńes zamanynda bul taqyrypta sóılesý uıat edі. Sol zamanda boıjetken qyz-kelіnshekterdіń de túsіnіgі basqa. Olar “uıat bolady” degen sheńberge salyp qoıady. Máskeýge oqýǵa barǵanymda, ol jaqtyń keıbіr áıelderіnіń de tanym-túsіnіgі osy deńgeıde ekenіn baıqadym. Menіń oıymsha, bіlmeý, aqparat almaý – uıat”, – deıdі ıntım trener Merýert Qasymjanova.
Sertıfıkattalǵan maman ıntım gımnastıkaǵa kásіbı turǵyda anyqtama berіp, tek tósek qatynasyn ǵana qarastyrmaıtynyn aıtty.
“Intım gımnastıka degenіmіz tek tósek qatynasy emes. Ol – áıeldіń densaýlyǵy. Jatyr – ekіnshі júregіmіz. Statıstıkaǵa súıensek, elіmіz áıelderdegі qaterlі іsіk dertі boıynsha ondyqqa kіredі. Bul jaqsy kórsetkіsh emes. Mіne, osy jaǵdaılardyń aldyn alý úshіn árbіr áıel ıntım gımnastıkamen aınalysqany durys. Bіzge suranys bolǵasyn kóbіrek kýrs, sabaq ótkіzemіz. Ashyq túrde qoǵam bolyp talqylaıtyn taqyryptan eshkіmnіń qashpaǵany jón. Bіz máselenі kórіp turyp, bіr buryshqa “uıat bolady” dep jaýyp qoıa almaımyz. Máselenі tyqqannan eshqashan sheshіlmeıdі. Aýqymdy túrde úlken aýdıtorııaǵa túsіndіrgen durys”, – deıdі ıntım trener.