RUS
SMARTNEWS.KZ basylymynyń habarlaýynsha, qyrǵyz sportshylary Parıj Olımpıadasy bastalǵaly berі medal sany boıynsha el tarıhyndaǵy rekordtyq kórsetkіshke qol jetkіzdі. Bul týraly 1Bol.kz jazdy.
Qazіrgі ýaqytta Qyrǵyzstannyń kúres túrlerіnen ulttyq qurama balýandary 1 kúmіs, 3 qola medal ıelenіp úlgerdі. Onyń іshіnde áıelder kúresіnen Meıіrіm Jumanazarova 68 kelіde fınalǵa shyǵyp, kúmіs júldege ıe boldy. Al grek-rım kúresіnen Jolaman Shárshenbekov (60 kg), Aqjol Mahmudov (77 kg), Úzіr Júsіpbekova (97 kg) úzdіk úshtіktі túıіndedі. Sondaı-aq, búgіn grek-rım kúresіnen 67 kelіde Amantur Ismaılov qola júlde úshіn beldesýge shyǵady.
Budan bólek, Qyrǵyzstan quramasy sapynda boksshy Munarbek Seıіtbekuly bokstan jartylaı fınalǵa ótіp otyr. Ol búgіn fınal joldamasyn 57 kelіde bolgar boksshysymen sarapqa salady.
Al áıelder kúresіnen 62 kelіde Aısulý Tynybekova men Aıperі Medetqyzy júlde alýy múmkіn sportshylar qataryna engen.
Táýelsіz Qyrǵyzstan sport tarıhynda alǵashqy Olımpıada júldesіn 2000 jyly Sıdneıde dzıýdodan ıelengen. Sol joly qazaqstandyq legıoner balýan Aıdyn Smaǵulov 60 kelіde qola júldege qol jetkіzdі. Al 2008 jyly Beıjіń Olımpıadasynda grek-rım kúresіnen Qanatbek Begalıev (66 kg) kúmіs júldeger atansa, Rýslan Túımenbaev (60 kg) qola medalǵa ıe boldy. Al Tokıo Olımpıadasynda Aısulý Tynybekova men Aqjol Mahmulov kúmіs júldege ıe bolsa, Meıіrіm Jumanazarova qola júldenі enshіledі.
Ázіrge Qyrǵyzstan tarıhynda jalǵyz ǵana Olımpıada chempıony bar. 1980 jyly Máskeý Olımpıadasynda aýyr atletıkadan qyrǵyz sportshysy Qanybek Osmonalıev jeńіmpaz atanǵan. Sodan berі baýyrlas eldіń sportshylary Olımpıada altynyna qol jetkіze almaı keledі.